Xitoy chet elliklar tomonidan bolalarni asrab olish taqiqlanganini e’lon qildi

Xitoy hukumati chet elliklar tomonidan bolalarni asrab olish amaliyotini to‘xtatishga qaror qildi. Pekin bu qaror nima uchun qabul qilinganiga izoh bermadi, faqat bu xalqaro kelishuvlar ruhiga mos kelishini ta’kidladi.

Xitoy Tashqi ishlar vazirligi matbuot kotibi Mao Ning payshanba kuni bo‘lib o‘tgan brifingda Pekin xorijliklarning mamlakatda farzand asrab olishiga endi ruxsat bermasligini, faqat qon qarindoshlari farzand yoki o‘gay o‘g‘il asrab olishi mumkinligi bundan mustasno, dedi.

U bu qarorni izohlamadi va faqat bu xalqaro konvensiyalarga zid emasligini ta’kidladi.

Pkin, shuningdek, xitoylik bolalarni asrab olishga tayyorligi uchun xorijiy hukumatlar va oilalarga minnatdorchilik bildirdi.

So‘nggi o‘ttiz yil ichida kamida 150 ming xitoylik bola chet elliklar tomonidan asrab olingan. Ularning aksariyati AQShga ketgan. Amerikalik oilalar Xitoydan 82 674 nafar bolani asrab oldilar, bu boshqa mamlakatlardan amerikaliklar tomonidan asrab olingan eng ko‘p bolalar.

Qo‘shma Shtatlar Xitoyning qarori Xitoyda farzand asrab olish haqidagi arizalari ko‘rib chiqilayotgan yuzlab amerikalik oilalarga qanday ta’sir qilishini aniqlashga harakat qilmoqda.

Xitoydagi AQSh diplomatlari bilan telefon orqali suhbatda Pekin «istisno bandiga to‘g‘ri keladiganlar bundan mustasno, ular qaysi bosqichda bo‘lishidan qat’i nazar, ushbu arizalarni ko‘rib chiqishda davom etmasligini» aytdi.

AQSh elchixonasi Xitoy Fuqarolik ishlari vazirligidan yozma tushuntirish so‘radi, dedi AQSh Davlat departamenti.

«Biz yuzlab oilalar hali ham farzand asrab olish jarayoni tugashini kutayotganini tushunamiz va ularning ahvoliga hamdardmiz», dedi Davlat departamenti.