Vinisius uchun "Real"ga 1 milliard yevro taklif qilindi. Agar futbolchi rozi bo‘lsa...

Saudiya Arabistoni chempionati klubi Ispaniyaning «Real» klubiga braziliyalik hujumchi Vinisius Junior uchun 1 milliard yevro taklif qildi.

The Atletik xabariga ko‘ra, futbolchi transfer taklifini rad etgan, chunki u madridliklar safida baxtli va ispan klubi bilan «Oltin to‘p»ni qo‘lga kiritmoqchi. Shuningdek, «Real» o‘z yetakchilaridan biri bilan xayrlashish niyatida emasligi qayd etilgan.

Shu bilan birga, Saudiya Arabistoni klubi rahbariyati birinchi urinishdagi muvaffaqiyatsizlikka qaramay, kelajakda muzokaralarga qaytish niyatida. "Globo" portali xabariga ko‘ra, futbolchining transferiga «Al-Ahli» klubi qiziqish bildirmoqda.

Agar Vinisius bu taklifga rozi bo‘lsa, eng qimmat transfer borasidagi rekordlarni ortda qoldiradi.