O‘zbekistonda muomalada bo‘lgan eng ko‘p plastik karta qaysi bankka tegishli?

Markaziy bank ma’lumotlariga ko‘ra, 2021 yilning 1 yanvar holatida muomaladagi eng ko‘p bank plastik kartalari «Xalq banki» (6 mln 48 ming 236 ta), «Agrobank» (3 mln 93 ming 93 ta) va «Milliy bank» (2 mln 784 ming 409 ta) tomonidan mijozlarga berilgan.

O‘rnatilgan to‘lov terminallari bo‘yicha, «Xalq banki» (56 ming 947ta)  «Agrobank» (46 ming 134ta) va «Ipoteka-bank» (43 ming 715ta) oldingi o‘rinlarni egallagan.

2021 yilning 1 yanvar holatida muomalaga 32 ta bank tomonidan umumiy 25 mln 775 ming 662 ta bank plastik kartasi, 438 ming 410 ta to‘lov terminali va 11 ming 800 ta bankomat va infokiosklar foydalanishga topshirilgan.