O‘rmon yong‘inlari cabab Yevropa davlatlari Gresiyaga yordam bermoqda

Afina shahri shimoli-sharqida o‘rmon yong‘ini sodir bo‘ldi. Kuchli shamol va issiqlik yong‘inga qarshi kurashni qiyinlashtirmoqda. Bu haqda Euronews yozdi.

Yong‘inni o‘chirish uchun bir yarim mingdan ortiq o‘t o‘chiruvchilar hamda o‘nlab samolyot va vertolyotlar safarbar etilgan. Barcha favqulodda xizmatlari voqea joyida. Polisiya aholini xabardor qilishga, yong‘in va tutundan jabrlangan aholi punktlarini to‘liq evakuasiya qilishni tashkil etishga yordam bermoqda.

Yakshanba kuni Afina Bryusseldan Yevropa Ittifoqining turli mamlakatlarning sa’y-harakatlarini muvofiqlashtirishi va transport xarajatlarini to‘lashi mumkin bo‘lgan fuqarolik himoyasi mexanizmidan foydalanishni so‘radi.

Italiya va Fransiya o‘rmon yong‘inini o‘chirish uchun samolyot jo‘natdi, Chexiya esa yong‘in o‘chirish guruhlari va yer usti jihozlarini taqdim etdi.

Bu yil iyun va iyul oylari Gresiyada meteorologik kuzatuvlar tarixidagi eng issiq oylar bo‘ldi. Hozir ayrim hududlarda havo harorati 40 darajaga yetdi. Meteorologlarning ma’lumotlariga ko‘ra, Gresiyaning yarmi haftaning qolgan qismida o‘rmon yong‘inlari xavfining "qizil zonasi"da bo‘ladi.