"Ukraina harbiylari frontda uzoq kutilgan qarshi hujumga o‘tdi"

"Ukraina harbiylari frontda uzoq kutilgan qarshi hujumga o‘tdi", deya xabar berdi The Washington Post nashriga ismini oshkor qilmaslik sharti bilan Ukrainaning to‘rt nafar harbiysi.

Ularga ko‘ra, 7 iyun oqshomida Ukraina qo‘shinlari Rossiya armiyasining Ukraina janubi-sharqidagi ilg‘or pozisiyalariga zarba berishni kuchaytirgan.

Payshanbaga o‘tar kechasi Zaporojye viloyatining Rossiya nazorati ostidagi ma’muriyati matbuot kotibi Vladimir Rogov Ukraina Qurolli kuchlari Orexov viloyatidagi Zaporojye frontida yirik tank hujumini boshlaganini, biroq to‘xtatilganini aytdi.

8 iyun kuni tushdan keyin Rossiya mudofaa vaziri Sergey Shoygu ham Ukraina Qurolli kuchlari Zaporojye yo‘nalishida Rossiya mudofaasini buzib o‘tishga muvaffaqiyatsiz urinishganini ma’lum qildi.

6 iyun kuni u Rossiya armiyasi Ukraina Qurolli Kuchlarining frontning turli sohalarida "uzoqdan beri va’da qilingan hujumini" uch kun davomida ushlab turgani haqida xabar bergandi.