Ukraina banklari qurol ishlab chiqaruvchilarga 500 million dollardan ortiq kredit beradi
Ukrainadagi davlat va xususiy banklar davlat kafolati ostida qurol ishlab chiqaruvchilarga 500 million dollar kredit berish uchun konsorsium tuzmoqda.
Bu haqda Ukraina mudofaa vaziri Denis Shmigal ma’lum qildi.
"Bank sektori Ukraina qurol-yarog‘ ishlab chiqaruvchilarini qo‘llab-quvvatlash uchun birlashmoqda. Oltita davlat va xususiy bank konsorsium tuzmoqda va davlat kafolati ostida uch yilga 21,5 milliard granina (taxminan 510 million dollar) kredit ajratish bo‘yicha shartnoma imzolamoqda", deb yozdi u.
Shmigalning so‘zlariga ko‘ra, bu Ukraina moliya bozori tarixidagi eng yirik kredit konsorsiumi bitimidir.
Mudofaa vazirligi, Milliy bank va tijorat banklari o‘rtasida "mudofaa sanoatini kreditlashning samarali mexanizmini yaratish bo‘yicha" kelishuvga erishildi. Bu va shunga o‘xshash qarorlar mudofaa sanoati uchun ishlab chiqarishni kengaytirish va modernizasiya qilish imkoniyatlarini ochib beradi, dedi Shmigal. Vazir konsorsiumda qaysi tijorat banklari ishtirok etishiga aniqlik kiritmadi.
Bo'limga tegishli qiziqarli xabarlar
Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!
«Vafot etgan» Bibimaryam tirik ekani tasdiqlandi — Face ID ishga tushdi
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Dunyo xaritasi 500 yil ichida ilk bor yangilandi
<