Turkiya Isroilning Livanga hujumlarini qoraladi

Turkiya Isroilning Livanga ko‘plab qurbonlarga olib kelgan hujumlarini qoralaydi.

Bu haqda Turkiya Tashqi ishlar vazirligi bayonot berdi.

Vazirlik ushbu hujumlar Livandagi gumanitar vaziyatni yanada og‘irlashtirayotganini ta’kidladi.

"Biz Livan suvereniteti va hududiy yaxlitligini himoya qilishni qat’iy qo‘llab-quvvatlaymiz", deb ta’kidladi Turkiya Tashqi ishlar vazirligi.

Eslatib o‘tamiz, Eron, Qo‘shma Shtatlar va ularning ittifoqchilari 2026 yil 8 aprel kechasi ikki haftalik sulhga kelishib oldilar. Eron o‘z navbatida, bu davrda Eron Qurolli Kuchlari bilan muvofiqlashtirilgan holda va texnik cheklovlar doirasida Hormuz bo‘g‘ozi orqali xavfsiz o‘tish ta’minlanishini ma’lum qildi.

Isroil, amaldagi sulh qarori Livanga taalluqli emasligini aytib, ushbu mamlakatga hujumlar uyushtirdi. Halok bo‘lganlar soni 112 kishiga yetdi. Keyinchalik Eron parlamenti raisi Muhammad Bag‘ir G‘olibaf Livanda sulh rejaning birinchi sharti ekanligini aytdi.