Trampni qo‘shiqchining oilasi sudga beradi
Marhum qo‘shiqchi va qo‘shiq muallifi Ayzek Xeyzning oilasi sobiq prezidentni 2022-2024 yillar oralig‘ida saylovoldi mitinglarida «Hold On, I'm Coming» qo‘shig‘idan foydalanganlikda ayblab, Donald Trampni sudga bermoqchi, deya xabar beradi Newsweek.
24 fevral kuni D.Tramp o‘z nutqini tugatdi va «Hold On, I'm Coming» qo‘shig‘i ostida raqsga tushdi. O‘shanda u 1966 yilda R&B dueti «Sam & Dave» tomonidan ijro etilgan va Ayzek Xeyz va Devid Porter qo‘shiq mualliflari guruhi tomonidan yozilgan trekdan foydalanishga ruxsat olmagani haqida mish-mishlar tarqaldi.
Ijtimoiy tarmoqlarda qo‘shiq muallifining o‘g‘li Ayzek Xeys III Tramp saylovoldi kampaniyasiga xitdan ruxsatsiz foydalanish bilan bog‘liq noqonuniy xatti-harakatlarga chek qo‘yish talabi bilan murojaat e’lon qildi.
- Biz, Walker & Associates tomonidan taqdim etilgan @isaachayes Isaac Hayes Enterprises oilasi, @realDonaldTrump va uning kampaniyasini 2022-2024 yillarda «Hold On I'm Coming» qo‘shig‘idan ruxsatsiz foydalanganlik uchun tashviqot mitinglarida mualliflik huquqining 134 ta buzilishi uchun sudga beramiz. Biz 2024 yil 16 avgustgacha to‘xtatishni, barcha videolarni olib tashlashni va lisenziya to‘lovlari sifatida 3 million dollar to‘lashni talab qilamiz. Aks holda, keyin qonuniy choralar ko‘riladi, - deb yozadi Ayzek Xeys III “X” da.
Ayzek Xeysning advokatlari maktubida merosxo‘rlar so‘ragan 3 million dollar "bunday ko‘p foydalanish bilan bog‘liq oddiy lisenziya to‘lovi bilan solishtirganda juda kam to‘lov" ekanligini yozgan. «Agar biz sudga murojaat qilsak, ushbu qoidabuzarliklar uchun odatdagi to‘lov 10 baravar ko‘p bo‘ladi, har bir foydalanish uchun 150 000 dollardan boshlanadi», deydi ular.
Bundan tashqari, advokatlar 16 avgustgacha javob olmasa, Tramp kampaniyasini sudga berish bilan tahdid qilishdi.
