Toshkentda YPX xodimiga jahl qilgan haydovchi "Matiz"ini yoqib yubordi (video)

Ijtimoiy tarmoqlarda Toshkent viloyati Yangiyo‘l tumani markazidagi Samarqand ko‘chasida joylashgan "Makro" supermarketi oldida yonayotgan Matiz avtomashinasi videosi tarqaldi. Hodisani tasvirga olayotgan shaxsning atrofdagilarga izoh berishicha, egasi o‘z mashinasini yo‘l-patrul xizmati xodimlariga jahl qilib yoqib yuborgan.

Voqea joyiga yetib kelgan o‘t o‘chiruvchilar mashinaning olov ichida qolgan old qismini o‘chirib, uning butunlay yonib ketishining oldini olgan.

Ushbu holat bo‘yicha yong‘in xavfsizligi xizmatidan hali rasmiy izoh berilmadi.