Sobiq Chorsu mehmonxonasi 1 so‘mga sotilmoqda
Toshkent markazida joylashgan qadimiy “Chorsu” mehmonxonasi 1 so‘m qiymatda kim oshdi savdosiga qo‘yildi. Bu haqda YE-auksion elektro savdo platformasi xabar qilmoqda.
Xabarda aytilishicha, mehmonxona 2 yil ichida 25 million dollar investisiya kiritish sharti bilan sotilmoqda. Shunindek, yangi ochiladigan korxonada 150 ta ish o‘rinlari yaratilishi kerak.
Eslatib o‘tamiz, 3 yil oldin ushbu binoni turkiyalik biznesmen Axmet Demir sotib olishi haqida e’lon qilingan edi. O‘shanda sarmoyador mehmonxonaga 33 million dollar investisiya kiritishi va bu yerda 270 o‘rinli 4 yulduzli mehmonxona qurilishi hamda 350ta yangi ish o‘rinlari yaratilishi haqida xabar berilgan edi. Lekin belgilangan vaqt o‘tib, biznesmen o‘z va’dasini amalga oshirmaganidan so‘ng, ushbu shartnoma bekor qilingan edi.