Sloveniya NATOdan chiqmoqchi

Mamlakat ittifoqdan chiqish bo‘yicha referendum o‘tkazmoqchi, deb e’lon qildi yangi parlament spikeri va yevroskeptik “Pravda” partiyasi yetakchisi Zoran Stevanovich.

Stevanovichning so‘zlariga ko‘ra, mamlakat boshqalarning harbiy va diplomatik mojarolariga aralashishdan saqlanishi kerak.

“Biz boshqa odamlarning harbiy va diplomatik mojarolariga aralashishga qat’iy qarshimiz, chunki bu hech qachon Sloveniyaga foyda keltirmaydi. Shu bilan birga, aytishim kerakki, biz xalqqa NATOdan chiqish bo‘yicha referendum o‘tkazishni va’da qilgan edik va uni o‘tkazamiz”, dedi u.

Stevanovich "dunyoning barcha mamlakatlari, ayniqsa, buyuk davlatlar bilan" hamkorlik qilishga tayyorligini ta’kidladi, biroq bu hech qachon bo‘ysunishni anglatmasligi kerakligini qo‘shimcha qildi. "Hamma bilan yaxshi munosabatlar, lekin Sloveniya manfaatlari yo‘lida," - dedi u.

Partiya NATOdan chiqish bo‘yicha referendumni qo‘llab-quvvatlaydi, ammo Yevropa Ittifoqidan (EI) chiqish ijobiy bo‘lmasligini aytdi.