Serbiya Yugoslaviya parchalanganidan keyin birinchi marta Yevropa chempionatida o‘ynaydi

Sport / Bilasizmi? / Xorij
A A A
Serbiya Yugoslaviya parchalanganidan keyin birinchi marta Yevropa chempionatida o‘ynaydi

Serbiya alohida respublika sifatida ilk bor Yevropa chempionatiga yo‘llanma oldi.

Dragan Stoykovich shogirdlari bugun Bolgariya bilan durang o‘ynadi (2:2), Chernogoriya Vengriyaga imkoniyatni boy berdi (1:3).

Yakuniy tur natijalariga ko‘ra, vengerlar saralash G guruhida birinchi o‘rinni (18 ochko), serblar ikkinchi (14), chernogoriyaliklar uchinchi (11) o‘rinni egalladi. So‘nggi ikki o‘rinni Litva (6 ochko) va Bolgariya (4) egallab turibdi.

Vengriya allaqachon Yevro-2024 yo‘llanmasini qo‘lga kiritgan. Bu guruhdan hech kim pley-offga chiqa olmadi.

Serbiya oxirgi marta 2000 yilda Yugoslaviya tarkibida Yevroda ishtirok etgan. 1992 yilda Yugoslaviya Sosialistik Federativ Respublikasi parchalanganidan so‘ng, ikkita respublika: Serbiya va Chernogoriyani o‘z ichiga olgan Yugoslaviya Federativ Respublikasi tashkil topdi.

Shu bilan birga, serblar so‘nggi ikki jahon chempionatida – 2018 va 2022-yillarda o‘ynagan.

Kiritildi: 00:20 20.11.2023. O'qildi: 1082 marta. Fikrlar soni: 0 ta.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!