Saudiyaliklar 1 iyundan Buyuk Britaniyaga vizasiz kirishi mumkin

Birlashgan Qirollik Saudiya Arabistonining barcha fuqarolari kirish vizasidan ozod qilinishini e’lon qildi.

The Saudi Gazette xabariga ko‘ra, Buyuk Britaniyaning Qirollikdagi elchisi Nil Krompton Saudiya Arabistoni fuqarolari «1 iyundan boshlab Buyuk Britaniyada elektron vizasiz rejim uchun ariza topshirishlari mumkin bo‘ladi».

«Elektron vizadan voz kechish Buyuk Britaniyaga vizasiz sayohat qilish imkonini beradi», deb yozgan Krompton Tvitterda va kichik to‘lov olinishini qo‘shimcha qilgan.

Elchining ta’kidlashicha, xizmat «viza olish uchun murojaat qilishdan ko‘ra tezroq bo‘ladi, chunki sayohatga chiqishdan oldin biometrik ma’lumotlarni taqdim etish, viza topshirish markaziga tashrif buyurish yoki pasportni topshirish shart emas».

«Vizalarning yaxshilanishi fuqarolarimiz uchun katta xavfsizlikni ta’minlab, Fors ko‘rfazi mamlakatlaridan ishbilarmonlik va dam olish uchun bu yerga sayohat qilishni oson va arzonlashtiradi», degan Krompton.

Saudiyaning Buyuk Britaniyadagi elchixonasi bu qarorni olqishlab, bu Saudiya fuqarolarining Buyuk Britaniyaga tashrif buyurishini osonlashtirishini aytgan.

«Britaniya hukumatining Saudiya Arabistoni fuqarolarini viza tartib-qoidalaridan ozod qilish va elektron rejimni joriy etish to‘g‘risidagi qarori barcha sohalarda ikki tomonlama munosabatlarni mustahkamlash yo‘lidagi muhim qadamdir», — deya qo‘shimcha qilgan elchixona.