Samarqand: "Tez yordam" mashinasida piyoz tashildi

Ijtimoiy tarmoqlarda "Samarqandda tez yordam mashinasi qoplar to‘la piyoz olib ketmoqda" sarlavha ostida tarqalgan xabarlar jamoatchilikning keskin muhokamalariga sabab bo‘ldi.

Holat yuzasidan Respublika tez tibbiy yordam markazi matbuot xizmati xabar berdi.

Qayd etilishicha, Holat bo‘yicha Respublika tez tibbiy yordam markazi tomonidan o‘rganish ishlari olib borildi.

O‘rganishlar davomida aniqlanishicha, mazkur avtomashina tez tibbiy yordam xizmatiga emas, balki Samarqand shahrida faoliyat ko‘rsatayotgan xususiy klinikalardan biriga tegishli ekanligi hamda undan bemorlarni davolash uchun shifo maskaniga olib kelish, yashash manziliga eltib qo‘yish va mobil tibbiy yordam ko‘rsatish maqsadlarida foydalanib kelingani aniqlandi.

Klinika vakillarining izohlashicha, ushbu tadbirkorlik sub’ektiga qarashli xo‘jalik avtomashinasi harakatlanish chog‘ida yo‘lda buzilib qolgan, oqibatda yukni manzilga yetkazish uchun fotosuratda aks etgan transport vositasidan foydalanishga to‘g‘ri kelgan.