Samarkand Bonds obligasiyalarining navbatdagi tiraji London birjasiga joylashtirildi
O‘zbek so‘miga nominallashtirilgan Samarkand Bonds obligasiyalarining navbatdagi adadi London birjasiga joylashtirildi.
5 dekabr kuni London fond birjasiga (London Stock Exchange) Xalqaro moliya korporasiyasining o‘zbek so‘miga nominallashtirilgan Samarkand Bonds obligasiyalarining navbatdagi adadi joylashtirildi.
O‘zbekiston Markaziy bankining xabar qilishicha, obligasiyalarning umumiy hajmi 123 mlrd so‘mni, to‘lov muddati 2 yil, kupon stavkasi esa yiliga 9,45 foizni tashkil etadi. Olingan foyda kichik biznes va xususiy tadbirkorlikni qo‘llab-quvvatlash uchun kredit sifatida «Ipak yo‘li banki"ga taqdim etiladi.
Joriy yilda London birjasiga umumiy qiymati 240 mlrd so‘mlik Samarkand Bonds obligasiyalarining avvalgi uch nashri kichik biznes loyihalarini moliyalashtirish uchun «Hamkorbank"ga yo‘naltirilgan edi.
Manba: gazeta.uz