Rossiya poytaxti markazidagi gul omborida yuz bergan yong‘inda 6 kishi halok bo‘ldi

Rossiya poytaxti Moskva markazidagi Komsomol maydonida joylashgan gul omborida sodir bo‘lgan yong‘in oqibatida halok bo‘lganlar soni 6 kishiga yetdi.

Rossiya Favqulodda vaziyatlar davlat agentligi matbuot xizmati yana bir kishi jarohatlangani haqida xabar berdi.

Gullar omboridagi yong‘in haqida mahalliy vaqt bilan 15:13 da xabar berilgan.

O‘t o‘chiruvchilar 7 kishini binodan olib chiqib ketishgan. Yong‘in natijasida birinchi va ikkinchi qavat orasidagi devorlar qulab tushgan. Yong‘in 2,5 ming kvadrat metr maydonni qamrab olgan, izolyasiya qilingan, keyinroq yong‘in o‘chirilgani xabar qilingan.