Renault guruhining Rossiyadagi aktivlari davlat mulkiga aylanadi
Renault guruhining Rossiyadagi aktivlari davlat va Moskva hukumati mulkiga aylanmoqda, deb xabar qildi Sanoat va savdo vazirligi o‘z Telegram-kanalida.
“Imzolangan shartnomalar Renault Russia aksiyalarini Moskva shahri ixtiyoriga hamda Renaultga tegishli bo‘lgan AvtoVAZ aksiyalarini - Rossiya sanoat va savdo vazirligiga bo‘ysunuvchi FGUP NAMIga o‘tkazishni nazarda tutadi”, — deyiladi xabarda.
Shunday qilib, aktivlardagi ulushlar quyidagicha taqsimlanadi:
Renault Russia YOAJning 100% aksiyalari Moskva hukumatiga o‘tadi;
- AvtoVAZ avtomobil konsernining 67,69% aksiyalari Rossiya Federasiyasi mulkiga aylanadi (FGUP NAMI);
- AvtoVAZning qolgan aksiyalari "Rostex" ixtiyorida qoladi.
- AvtoVAZ Rossiyada Renault avtomobillariga xizmat ko‘rsatishni amalga oshiradi, shuningdek, o‘z zavodlarida butun Lada rusumli assortimentini ishlab chiqarishni davom etadi.
Sanoat va savdo vazirligi ma’lum qilishiga ko‘ra, Renault kelgusi 6 yil ichida AvtoVAZdagi o‘z ulushini qayta sotib olish huquqiga ega.
Fransuz avtomobil ishlab chiqaruvchisi AvtoVAZga egalik qiluvchi "Rostex" bilan qo‘shma korxonaning deyarli 68% aksiyalariga egalik qilgan. Renault 23 mart kuni Rossiyada ishlab chiqarishni to‘xtatganini e’lon qilgan edi.
AvtoVAZ ikki marka - Lada va Renault uchun to‘liq tsiklli avtomobillar va butlovchi qismlarni ishlab chiqaradi. Zavodlar Tolyatti va Ijevskda joylashgan. Bugungi kunda Lada brendi beshta modellar oilasidan iborat avtomobillar ishlab chiqarmoqda: Vesta, Xray, Largus, Granta va Niva.
