Qorovulbozor tumanida 1,2 milliard so‘mlik burg‘ulash quvurlarining kamomadi aniqlandi

Bosh prokuratura huzuridagi Departamentning Qorovulbozor tuman bo‘limi tomonidan tadbirkorlik sub’ektlarining huquqlarini himoya qilish yuzasidan o‘tkazilgan tergovga qadar tekshiruvda “O‘.Q.” AJga qarashli “M.” uchastkasi boshlig‘i F.Q. o‘zining moddiy javobgarligidagi umumiy bahosi 1,2 mlrd so‘mlik jami 307 dona burg‘ulash quvurlari kamomadiga yo‘l qo‘yganligi aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.