Qoraqalpog‘iston: to‘qsonbosti ekinlaridan mo‘l hosil olinmoqda

Qoraqalpog‘iston Respublikasi Ellikqal’a tumani Qilichinoq hududida joylashgan "Davlatboy bog‘bon" fermer xo‘jaligi tomonidan 0,3 gektar maydonda toqsonbosti usulida ekilgan sarimsoqpiyoz hamda 1 gektar maydonda kartoshka va piyoz ekinlari ekilishi jarayonlari boshlandi.

ℹ️Sabzavotchilikda kech kuzgi ekish muddatini dehqonlarimiz “to‘qsonbosti” ekin deb atab kelgan, chunki bu ekinni urug‘i yerga sepilgandan so‘ng qishning to‘qson kunlik sovuqli kunlari bosti degan ma’noni anglatgan. To‘qsonbosti uslubida ekilgan sabzavot ekinlari urug‘lari erta ko‘klamda yerdan juda barvaqt unib chiqib, tez rivojlanishi hisobiga erta hosil beradi.

🌱Ma’lumki lalmi va suv tanqis maydonlarda ham to‘qsonbosti ekish muddatida sabzavot ekinlarini ekib yaxshi iqtisodiy samaraga ega bo‘lish mumkin.