Putin KXSHT Kollektiv xavfsizlik kengashi sessiyasida nutq so‘zladi

Rossiya prezidentining nutqidan asosiy iqtiboslar:

▪️ Agar bitta zarbada bir nachta “Oreshnik” raketalari ommaviy ravishda qo‘llanilsa, uning kuchi yadro qurolidan foydalanilishi bilan teng bo‘ladi;

▪️ Rossiyada bir nechta foydalanishga tayyor “Oreshnik” raketa tizimlari mavjud;

▪️ Rossiya G‘arbning uzoq masofali qurollarining davom etayotgan hujumlariga “Oreshnik”ning jangovar sinovlarini davom ettirish bilan javob beradi;

▪️ “Oreshnik” tizimini seriyali ishlab chiqarish boshlangan;

▪️ “Oreshnik” qo‘llanilganda uni zararlovchi elementlarining harorati 4 ming darajaga yetadi;

▪️ “Oreshnik”ning portlash episentridagi hamma narsa elementar zarrachalarga bo‘linib, changga aylanadi;

▪️ “Oreshnik” hatto katta chuqurlikda joylashgan yuqori darajada himoyalangan ob’ektlarga ham ta’sir qiladi;

▪️ Rossiya yaqin kelajakda boshqa yangi turdagi qurollarga ega bo‘lishi mumkin;

▪️ Rossiyaning X101 raketasi masofa bo‘yicha Yevropada ishlab chiqarilgan tizimlardan sezilarli darajada oshib ketdi;

▪️ Rossiya bir necha bor G‘arb davlatlari e’tiborini Kiyevga uzoq masofali raketa zarbalariga ruxsat berish G‘arbning mojaroga bevosita aralashuvini anglatishiga qaratgan;

▪️ Rossiya Ukrainaga G‘arb tomonidan qancha qurollar yetkazib berilgani va yana qanchasi yetkazilishi rejalashtirilganligini biladi;

▪️ Kiyev rejimi rahbari raketalardan tashqari boshqa harbiy texnikalar ham so‘raydi;

▪️ Kiyev rejimining yetakchilari saylovlarni o‘tkazmay turib, qurolli kuchlarga buyruq berishga haqqi yo‘q, ular legitimligini yo‘qotgan;

▪️ Ukrainada hokimiyatni egallab olganlarning buyrug‘ini bajarayotganlar ularning jinoyatlariga sherik hisoblanishadi;

▪️ Hozirda Ukrainaga hujum qilish uchun nishonlar tanlanmoqda;

▪️ Nishonlar Kiyevdagi qaror qabul qilish markazlari bo‘lishi mumkin;

▪️ Rossiya yo‘q qilish uchun tanlangan nishonlarning xususiyatlari va tahdidlariga qarab yo‘q qilish vositalarini tanlaydi.