Prezident Shavkat Mirziyoyev iftorlik tadbirida ishtirok etdi

Prezident Shavkat Mirziyoyev iftorlik tadbirida ishtirok etdi

Barcha hududlarda yozilgan iftorlik dasturxonlariga nuroniylar, mehnat faxriylari, ulamolar va ziyolilar, turli din va konfessiyalar vakillari, nogironligi bor va ehtiyojmand yurtdoshlar, jami 60 ming nafarga yaqin kishi taklif qilingan.

Prezident matbuot xizmati Shavkat Mirziyoyevning «Ko‘ksaroy» qarorgohida o‘tkazilgan iftorlik marosimidagi nutqi matnini keltirdi.

Bismillahir rahmonir rahim.

Assalomu alaykum, muhtaram vatandoshlar, nuroniy otaxon va onaxonlar!

Qadrli mehmonlar!

Ciz, azizlarni, butun xalqimizni, uzoq-yaqindagi jamiki musulmon ummatini davom etayotgan muborak Ramazon oyi bilan yana bir bor samimiy tabriklayman. Barchangizga tinchlik-xotirjamlik, sihat-salomatlik va farovonlik yor bo‘lishini tilayman.

Ushbu sharofatli oyda go‘zal diyorimizda mana shunday fayzli iftorlik marosimini el-yurtimiz bilan birgalikda o‘tkazish nasib etgani uchun mehribon va qudratli Alloh taologa behisob shukronalar aytamiz.

Fursatdan foydalanib, bugungi davramizda ishtirok etayotgan hurmatli mehmonlarimizga – xorijiy davlatlarning elchilari, xalqaro tashkilotlar vakillariga, diniy konfessiyalar rahbarlariga Vatanimiz va xalqimizga ko‘rsatayotgan yuksak ehtirom va e’tiborlari uchun chin dildan minnatdorlik bildiraman.

Aziz do‘stlar!

Cizlarga ma’lumki, so‘nggi yillarda milliy va diniy qadriyatlarimizni asrab-avaylash, ularni zamon talablari asosida rivojlantirish bo‘yicha ko‘p ishlarni amalga oshirmoqdamiz.

Bu borada “Inson qadri uchun, inson baxti uchun” degan ezgu g‘oya bizning faoliyat dasturimizga aylanmoqda. Shu asosda millati, tili va dinidan qat’i nazar, har bir vatandoshimizning huquq va manfaatlarini ta’minlash ijtimoiy hayotimizda yetakchi o‘ringa chiqmoqda.

Fuqarolarimizning vijdon erkinligi sohasidagi konstitusiyaviy huquqlari to‘liq ta’minlanayotgani bu yil Ramazon oyida yanada yaqqol namoyon bo‘lmoqda.

Muqaddas dinimiz buyurgan xayrli amallar – ahillik va hamjihatlik, mehr-saxovat, sabru qanoat, axloq-odob, ilmu ma’rifat fazilatlari jamiyatimizda tobora mustahkam bo‘lib bormoqda. Xususan, islom dinining insonparvarlik mohiyatini chuqur o‘rganish, buyuk tariximiz va madaniyatimiz durdonalarini, ulug‘ allomalarimizning boy merosini to‘plash va keng targ‘ib etishga alohida e’tibor berilmoqda.

Ana shu ezgu maqsad yo‘lida Toshkent shahrida bunyod etilayotgan Islom sivilizasiyasi markazi O‘zbekistonda ilk bor amalga oshirilayotgan ulkan ilmiy-ma’naviy loyiha sifatida mamlakatimiz va xalqaro jamoatchilikda katta qiziqish uyg‘otmoqda.

Ushbu markaz necha ming yillik taraqqiyot yutuqlarini o‘zida mujassam etib, islom sivilizasiyasi yurtimizda aynan ilm-fan, ta’lim-tarbiya, madaniyat va ma’rifat asosida rivojlanganini tasdiqlaydi. Bu maskan biz uchun nafaqat o‘tmish yodgorligi sifatida, balki xalqimiz, yoshlarimizni kelajak sari chorlashi, buyuk kashfiyotlarga ruhlantirishi bilan ayniqsa e’tiborlidir.

Xabaringiz bor, ulug‘ vatandoshimiz, hadis ilmining sultoni Imom Buxoriyning Samarqandda barpo qilinayotgan muazzam majmuasi qurilishi ham jadal davom ettirilmoqda. Bu yerda buyuk ajdodimiz hayoti va faoliyatiga bag‘ishlangan muzey va ilmiy dargohlar bilan birga, 10 ming kishilik masjid ham bunyod etilmoqda.

Nasib etsa, bu yil ana shu ikki muhtasham obidani – Islom sivilizasiyasi markazi va Imom Buxoriy majmuasining ochilish marosimini barchamiz birgalikda tantanali ravishda o‘tkazamiz.

Xalqimizning islom dini va falsafasiga qo‘shgan bebaho hissasini yanada teran o‘rganish maqsadida yaqinda yana bir muhim qaror qabul qildik.

Bu yil mutafakkir ajdodimiz, kalom ilmining buyuk peshvolaridan biri bo‘lmish Imom Moturidiy hazratlari tavalludining 1155 yilligini keng nishonlaymiz. Jumladan, ul zotning Samarqanddagi muborak qadamjolari yanada obod qilinadi.

Eng muhimi, bu ishlarimiz Imom Moturidiy merosi va moturidiylik ta’limotini yurtimiz va xorijiy olimu ulamolar bilan hamkorlikda ilmiy asosda o‘rganishda yangi va katta qadam bo‘ladi.

Hurmatli do‘stlar!

Ko‘pmillatli jamiyatimizda tinchlik va hamjihatlikni mustahkamlash, turli millat va din vakillari o‘rtasida do‘stlik va birdamlikni kuchaytirish vazifasi doimiy e’tiborimiz markazida bo‘lib kelmoqda.

Shu maqsadda joriy yilning sentyabr oyida Toshkent va Samarqand shaharlarida nufuzli xalqaro anjuman o‘tkazamiz. “Deklarasiyalar muloqoti forumi” deb nomlangan bu yirik tadbir 2022 yili Toshkent, Samarqand va Buxoro shaharlarida bo‘lib o‘tgan anjumanning mantiqiy davomi bo‘lib, turli diniy e’tiqod vakillari o‘rtasida o‘ziga xos ma’rifiy muloqot maydoni bo‘lib xizmat qiladi.

Shu o‘rinda yana ta’kidlab aytmoqchiman: mamlakatimizda hukm surayotgan tinchlik va barqarorlik – bizning eng katta boyligimizdir.

Ana shu beqiyos boylikni ko‘z qorachig‘idek asrash, yurtimizdagi do‘stlik, tenglik, bag‘rikenglik muhitini mustahkamlashga qaratilgan ishlarni bundan buyon ham qat’iy davom ettiramiz. Buning uchun bor kuch va imkoniyatlarimizni to‘la safarbar etamiz. Bu masala hozirgi murakkab davrda biz olib borayotgan erkinlik va ochiqlik siyosati uchun ayniqsa o‘ta muhimdir.

Muhtaram yurtdoshlar!

Prezident Shavkat Mirziyoyev iftorlik tadbirida ishtirok etdi

Yangi O‘zbekiston yangicha ustuvor tamoyillarga, jumladan, Konstitusiyamizda aniq belgilab qo‘yilgan ijtimoiy davlat maqomiga ega bo‘lib, xalqchil va insonparvar siyosat olib bormoqda.

Shu borada birgina misol keltirishga ijozat bergaysiz. O‘tgan yilning o‘zida ko‘makka muhtoj insonlarga 16 trillion so‘mlik moddiy yordam va nafaqalar berildi. Kam ta’minlangan oilalarga mansub 51 ming nafar bola bog‘chaga joylashtirildi, ularning 176 ming nafar a’zosiga tibbiy ko‘mak ko‘rsatildi, 182 ming nafari esa ijtimoiy xizmatlar bilan qamrab olindi.

“Saxovat va ko‘mak” jamg‘armasi orqali 94 mingga yaqin kam ta’minlangan oilalarga davolanish, oziq-ovqat, kiyim-kechak, kommunal to‘lovlar bilan bog‘liq 130 milliard so‘mlik xarajatlar qoplab berildi.

“Ayollar daftari” doirasida 3,5 million nafar opa-singillarimizga 5 trillion 700 milliard so‘mlik yordam ajratildi.

“Yoshlar daftari” joriy etilganidan buyon 1 million 300 ming nafar ehtiyojmand yoshlarga 1 trillion 700 milliard so‘mlik ijtimoiy yordam ko‘rsatildi.

Eng asosiysi, bu ishlarimiz izchil davom ettirilmoqda.

Prezident Shavkat Mirziyoyev iftorlik tadbirida ishtirok etdi

Qadrli marosim ishtirokchilari!

Yangi O‘zbekistonning ustuvor xususiyatlaridan yana biri – bu “yashil taraqqiyot” yo‘lidir.

Bugungi kunda mamlakatimizda yangi ekologik makon barpo etilmoqda. “Yashil makon” umummilliy loyihasi aynan shu maqsadga qaratilgan.

“Atrof-muhitni asrash va “yashil” iqtisodiyot yili” deb e’lon qilingan joriy yilda amalga oshirilayotgan davlat dasturi ham bu borada muhim qadam bo‘lmoqda.

Yaqinda Xiva shahrida ilk bor kengaytirilgan tarkibda o‘tkazilgan Konfessiyalararo kengash majlisida yurtimizdagi diniy konfessiyalar vakillari mazkur davlat dasturida faol ishtirok etishga qaratilgan murojaatnoma qabul qildilar.

Albatta, jamiyatimizdagi ezgu ishlarda hurmatli din peshvolari, ulamo va nuroniylarimiz, keng jamoatchiligimiz faol ishtirok etayotganini minnatdorlik bilan ta’kidlaymiz.

Bu yil “Yashil makon” loyihasi doirasida bahor mavsumining o‘zida diniy soha xodimlari tomonidan 10 ming tupdan ziyod daraxt, 32 ming tupga yaqin gul ekilgani, masjid va ziyoratgohlarda 25 gektar yer obod qilingani ham bu fikrni tasdiqlaydi.

Yurtimiz hojilarining ham ko‘plab xayrli ishlarda shaxsiy namuna ko‘rsatib, o‘rnak bo‘layotganlari albatta barchamizni xursand qiladi.

O‘tgan yili muftiy Nuriddin Xoliqnazar hazratlari boshchiligida hojilarimiz “Yangi O‘zbekiston fidoyisi bo‘lib, ma’naviyat targ‘ibotchisiga aylanamiz” degan tashabbusni ilgari surgan edilar. Shu kunga qadar ularning tashabbusi bilan kam ta’minlangan, boquvchisini yo‘qotgan, ehtiyojmand oilalarga 6 milliard 300 million so‘m miqdorida moddiy yordamlar ko‘rsatildi.

Bunday savobli ishlari uchun ularga barchamiz chin ko‘ngildan tashakkur aytamiz.

Prezident Shavkat Mirziyoyev iftorlik tadbirida ishtirok etdi

Muhtaram vatandoshlar!

Hozirgi kunda dunyodagi vaziyat o‘ta qaltis va murakkab bo‘lib borayotganini hammamiz ko‘rib-bilib turibmiz.

Afsuski, aksariyat ziddiyat va mojarolar aynan islom dunyosida sodir bo‘layotgani barchamizni chuqur tashvishga solmoqda.

Notinchlik o‘choqlari istalgan paytda kengayib, butun-butun mintaqalarga yoyilib ketish xavfi tobora ortib bormoqda.

Musulmon mamlakatlarida tinchlik va barqarorlikni ta’minlash uchun birdamlik va islom ummati hamjihatligini yanada mustahkamlash har qachongidan ham dolzarb bo‘lib qolmoqda.

E’tiborimiz markazida turishi kerak bo‘lgan yana bir masala – bu yoshlarimizning qalbi va ongini zaharlashga, hayotini izdan chiqarishga qaratilgan ko‘plab tahdidlar bilan bog‘liq.

Farzandlarimizni ilm-ma’rifatga targ‘ib etish, yot g‘oyalar ta’siridan saqlash borasida hurmatli imom-xatiblarimiz, ko‘pni ko‘rgan otaxon va onaxonlarimiz, mahalla faollari, hojilarimizning o‘rni beqiyos, albatta.

Barchamiz sizlarning ushbu yo‘nalishda olib borayotgan faoliyatingizni yuksak qadrlaymiz.

Buyuk Bahouddin Naqshband bobomizning “Qo‘ling mehnatda, diling Allohda bo‘lsin”, degan o‘gitlari hammamizning hayotiy e’tiqodimizga aylanib ketgan.

Yoshlarimizni mana shunday ruhda tarbiyalashda ularni mehnat va kasbga o‘rgatish juda muhim ahamiyatga ega.

Shu ma’noda, hurmatli nuroniylarimiz, mahalla faollari, mirishkor fermerlarimiz, tadbirkorlarimiz yoshlarni halol mehnat qilib, oilasi va yurt farovonligi yo‘lida tinimsiz izlanib yashashga o‘rgatadilar, deb ishonaman.

Hurmatli do‘stlar!

Ushbu fazilatli oy davomida yurtimizdagi 9,5 mingga yaqin mahallada kam ta’minlangan va ehtiyojmand oilalarda iftorlik dasturxonlari yozilib, xayr-saxovat ishlari amalga oshirildi.

Joylardagi bu tadbirlarda muftiy hazratlari va imom-xatiblarimiz ham xonadonma-xonadon yurib, faol ishtirok etishdi.

O‘ylaymanki, “Ramazon – saxovat, birdamlik va bag‘rikenglik oyi” shiori ostida o‘tkazilgan bunday xayrli marosimlar inson qadrini ulug‘lash, pok maqsadli barcha yurtdoshlarimizni yanada birlashtirishga xizmat qiladi.

Buyuk Alisher Navoiy bobomiz aytganlaridek, “Yaxshilarning ishi – yaxshilik qilishdir”. Chindan ham, bu hayot aynan ezgulik va yaxshilik tufayli doimo yorug‘ va bardavomdir.

Shu bois ezgu niyatlar ijobat bo‘ladigan muborak Ramazon oyida, Laylatul qadr kechasi arafasida turib, yurtimizda, butun dunyoda tinchlik va farovonlik, mehr-oqibat barqaror bo‘lishini so‘rab duolar qilamiz.

Iloyim, hayotimiz doimo mana shunday munavvar, fayzli va barakali bo‘lsin!

Duogo‘y otaxon va onaxonlarimiz sog‘-omon bo‘lsinlar!

Mehribon opa-singillarimiz, aka-ukalarimiz yonimizda doimo tog‘dek tayanch bo‘lib tursinlar!

Farzandlarimiz bilimli, kasb-hunarli, azmu shijoatli yoshlar bo‘lib, Vatanimiz shuhratini dunyoga tarannum etsinlar!

Yurtimiz tinch, mehnatkash, olijanob xalqimiz hamisha omon bo‘lsin!


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!

Texas ko‘lida 2 metrlik mahluq qo‘lga tushdi, bu jahon rekordi bo‘lishi mumkin

Техасда балиқ овлаш бўйича жаҳон рекордчиси қайтиб келди ва ўз ҳаётидаги энг қийин овда кўлнинг лойқа сувлари остида яна бир ажойиб воқеани яратди.

Ingliz manbasi: Husanov Gvardiola bilan tortishib qoldi

Бу ҳақда Х ижтимоий тармоғидаги Real Talk Manchester City аккаунти хабар берди.

Van Damm Putinga murojaat qildi

Унинг мурожаати видеосини украиналик журналист Диана Панченко ўзининг Телеграм-каналида жойлаштирган.

Isroil vaziri o‘z qizini zo‘rlaganlikda ayblanmoqda

Отаси ва укаларидан бири томонидан жинсий зўравонлик қилганини айтди

Gidrometeorologiya xizmati agentligi tezkor axborot berdi

19–22 апрел кунлари кутилаётган ёмғирлар сабабли, республиканинг қуйидаги тоғ олди ва тоғли ҳудудларида сел-сув тошқин ҳодисалари юзага келиши мумкин:

"Real"ni vaqtincha kim boshqarishi mumkinligi ma’lum bo‘ldi

Мадриднинг "Реал" клуби Карло Анчелотти билан хайрлашган тақдирда вақтинчалик мураббий тайинлаши мумкин.

Kazakh Scout: O‘zbekiston U17 terma jamoasining kamida yarmi Yevropa va Osiyo jamoalariga o‘tishi kerak

Твиттер ижтимоий тармоғида "Kazakh Scout" профилини юритувчи шахс Ўзбекистон ўсмирлар терма жамоаси футболчилари ҳақида илиқ фикрлар билдирди.

Toj Mahal bugungi kunda qurilganda u qanchaga tushardi?

Тож Маҳал - бутун дунё ҳайратига сазовор бўлган ажойиб иншоот. Ҳеч ўйлаб кўрганмисиз, шундай меъморий асарни бугунги кунда қуриш қанчага тушарди?

«Barsa» «Real»ga qarshi uchrashuvdan oldin katta yo‘qotishga uchradi

«Барселона» ҳужумчиси Роберт Левандовски Ла Лиганинг сўнгги турида жароҳат олди.

AQSh Ukrainani butunlay tark etmoqda

АҚШ Россияга Украина билан уруш пайтида босиб олган ҳудудларни назорати остида қолдиришни таклиф қилди.

Oilalarga 75 000 000 so‘mgacha foizsiz qarz beriladi

Мазкур маблағлар Камбағалликни қисқартириш давлат мақсадли жамғармаси томонидан ажратилади.

1 maydan 500 kVt⋅soatgacha bo‘lgan yangi miqdor joriy qilindi​​​​​​​

Қолаверса, 201 кВт·соатдан 1000 кВт·соатгача бўлган дифференциаллашган тариф бўйича истеъмол миқдори орасига янги миқдор киритилмоқда.

Rossiya aeroportida o‘zbekistonliklar qo‘lga olindi

Ҳозирда уларга нисбатан жиноят иши қўзғатилган.

Surxondaryoda pomidorni shpaklyovkaga "aylantirishdi"

Олиб борилган тезкор тадбирлар давомида аниқланишича, транзит тартибида қўшни давлатга чиқиб кетиши лозим бўлган 20 тоннадан зиёд помидор ноқонуний равишда Термиз туманидаги омборлардан бирига тушириб қолдирилган.

“Tez orada Xudoning yordami bilan — bu butun Isroil yurti bo‘ladi”

Исроил оммавий ахборот воситалари шундай ёзув билан тарихий Фаластиннинг бутун ҳудудини қамраб олган харитани эълон қилишди.

Abduqodir Husanov nega maydonga tushmayotganligiga oydinlik kiritildi. Asl muammo nimada?

Ҳамюртимиз Абдуқодир Ҳусанов кетма-кет ўйинларда "Манчестер Сити" таркибида майдонга тушмади. Натижада ижтимоий тармоқларда ҳар хил гап сўзлар тарқалди. Таниқли шарҳловчи Даврон Файзиев футболчининг яқинлари билан гаплашиб, вазиятга ойдинлик киритди.

Gulnora Karimova qamoqdan ozod qilingani aytilmoqda

Ҳозирча бу ҳақда расмий маълумот чиққани йўқ.

AQSh Yevropa davlatlari Ukrainaning o‘z hududlarini yo‘qotishiga tayyor ekanini ma’lum qildi

Буюк Британия ва Франция сиёсатчилари Украина ҳукумати Россияга ҳудудларни йўқотганини тан оладиган “стсенарийга очиқ”, деб ёзади Американинг The Wall Street Journal газетаси манбага таяниб.

Sherzodxon Qudratxo‘ja: "Biz Rossiyaning koloniyasi emasmiz"

Шерзодхон Қудратхўжа Лавровнинг ташрифи борасида тарқалган хабарларга, Лавровнинг хатти-ҳаракатларига ўз муносабатини билдирди.

Rossiya Yevropa Ittifoqining Markaziy Osiyodagi siyosatiga qarshi — Lavrov

Бу ҳақда Россия ТИВ раҳбари Сергей Лавров Ўзбекистон президенти Шавкат Мирзиёев билан учрашув якунлари бўйича брифингда маълум қилди, деб хабар беради “Lenta.ru” мухбири.

Trans ayollar ayollar emas - Britaniya Bosh vaziri Starmer

Буюк Британияда гендер ўзига хослиги бўйича қизғин баҳс-мунозаралар давом этмоқда. Яқинда суд эркак туғилган, лекин ўзини аёл деб билган шахс қонуний равишда аёл деб ҳисобланиши мумкин эмаслиги ҳақида қарор чиқарди.

Isroilda o‘rmon yong‘inlari boshlandi

Бу ҳақда Йнет портал хабар бермоқда.

Al-Shara AQSHNI sanksiyalarni bekor qilishga chaqirmoqda

Бу ҳақда Араб Республикасининг муваққат президенти Аҳмад ал-Шара баёнот берди.

Oq uy Zelenskiyning usullaridan noroziligini bildirmoqda

Бу ҳақда Оқ уй матбуот котиби Керолин Левитт маълум қилди, унинг сўзларидан иқтибос келтирмоқда “ТАСС” .

Mutaxassis: Turkiyadagi zilzilalarning bir muddat davom etishi kutilmoqda

Бу ҳақда Озарбайжон Миллий фанлар академияси ҳузуридаги Республика сейсмологик хизмат маркази ахборот бўлими бошлиғи маълум қилди.

Zelenskiy Rossiya bilan to‘g‘ridan-to‘g‘ri muzokaralar o‘tkazish shartini aytdi

Украина Президенти Владимир Зеленский Киев Москва билан тўғридан-тўғри музокараларни фақат ўт очишни тўхтатиш шарти билан бошлашга тайёрлигини айтди.

Yuqori Chirchiqda tabiatga 4 milliard so‘mdan ortiq zarar yetkazildi

Тошкент вилояти Экология, атроф-муҳитни муҳофаза қилиш ва иқлим ўзгариши бошқармаси ва вилоят ИИББ билан ҳамкорликда навбатдаги рейд тадбири ўтказилди.

Rossiyani «ekzotik mamlakatlar»dan kelgan migrantlar bosib ketdi...

Россияни «экзотик мамлакатлар»дан келган мигрантлар босиб кетди, деб ёзди Times телеграм-канали.

Rossiya Bashar Asadni Suriyaga qaytarish bo‘yicha javob berdi

Сурия муваққат президенти Аҳмад аш-Шараа Россия собиқ раҳбар Башар Асадни экстрадиция қилишдан бош тортганини айтди. 2024 йилнинг декабрида у Россиядан сиёсий бошпана олганди.

Siyosatchi: Ukraina 9 mayda Rossiya uchun «sovg‘a» tayyorlayotgan bo‘lishi mumkin

9 майдаги Ғалаба паради пайтида Москвадаги Қизил майдон Украина Қуролли Кучлари учун «қонуний нишон» ҳисобланади. Бу ҳақда Олий Раданинг собиқ депутати Игор Лапин бошқа собиқ депутат Борислав Березанинг Youtube`даги каналида айтиб ўтди.

Armanistonda qamoqxonalardagi o‘limlar soni ortishda davom etmoqda

Бу ҳақда мамлакат Жиноят-ижроия хизмати хабар берди.

Maykl Jordan barcha davrlarning eng ko‘p maosh oluvchi sportchilari ro‘yxatida birinchi o‘rinni egalladi

“Репорт” нинг Спортиcо порталига таяниб хабар беришича, америкалик гольфчи Тайгер Вудс иккинчи, португалиялик футболчи Криштиану Роналду учинчи ўринни эгаллаб турибди.

JSST rahbari AQSh moliyalashtirishni qisqartirishi sababli ommaviy ishdan bo‘shatishlarini e’lon qildi

“Репорт” нинг хабар беришича , бу ҳақда ташкилот бош директори Тедрос Адҳаном Гебреесусга таяниб, Agence France-Presse хабар берди.

Shimoliy Amerika asta-sekin yer ostiga cho‘kmoqda

Техас университетининг бир гуруҳ геологлари Nature Geoscience журналида тадқиқот натижаларини эълон қилишди.

Farzandlarga e’tiborli bo‘ling!

Санкт-Петербургда 13 ёшли бола фирибгарларга 10 млн. рубл (яъни $123 минг)дан ортиқ пулни бериб юборди.

Hindistonda to‘rt qavatli binoning qulashi oqibatida 11 kishi halok bo‘ldi, 5 kishi yaralandi

Қулаш Ню-Деҳлида кучли шамол ва момақалдироқ билан бирга кучли ёмғир ёғишидан бир неча соат ўтгач содир бўлган.

Putin birinchi marta Ukraina bilan to‘g‘ridan to‘g‘ri muzokaralar o‘tkazishni taklif qildi

2022 йил февралида Россиянинг Украинага тўлиқ миқёсли босқини илк кунларидан буён томонлар ўртасида тўғридан тўғри музокаралар бўлмаган.

AQSh Qrimni Rossiya deb tan olishni taklif qiladi – WP

Бу ҳақда The Washington Post бир неча манбаларга таяниб хабар бермоқда.

AQSh Londondagi muzokaralarda Ukraina va Yevropaga Qrimni Rossiya hududi sifatida tan olishni taklif qiladi — The Washington Post

Газетанинг бир нечта манбаларига таяниб ёзишича, 23 апрел куни Лондонда бўлиб ўтадиган музокараларда Украина ва Европа делегациялари Қўшма Штатларнинг Қримни Россияга тегишли деб тан олиш ва фронт чизиғини ҳозирги ҳолатида музлатиб қўйиш таклифи билан юзлашади.

Ispaniyada Rim papasi munosabati bilan uch kunlik motam e’lon qilindi

Бу ҳақда AFP Испания адлия вазири Феликс Боланос 21 апрель куни телемурожаатида хабар бермоқда.