Paxtaning 2022 yilgi minimal narxi belgilandi

Qishloq xo‘jaligi vazirligi ma’lumotlariga ko‘ra, O‘zbekistonda yetishtirilgan 1 tonna o‘rta navli paxta xomashyosining minimal qiymati QQSni hisobga olgan holda 10 mln 25 ming so‘mni (910 dollar atrofida) tashkil etadi.

1 tonna nozik tolali paxta xomashyosining minimal narxi qo‘shilgan qiymat solig‘i bilan 15 mln 120 ming so‘mni (taxminan 1 400 dollar) tashkil etadi.

Ushbu tavsiyalar asosida paxta xomashyosini ishlab chiqaruvchilar va xaridorlar shartnomalar asosida uning tannarxini mustaqil ravishda belgilaydilar, deyiladi vazirlik xabarida.