Noxush holat: Merkel Zelenskiy bilan uchrashuv chog‘ida qaltirab qoldi (video)

Germaniya kansleri Angela Merkel Ukrainaning yangi prezidenti Vladimir Zelenskiy bilan uchrashuv chog‘ida o‘zini yomon his etdi.

Videoda ko‘rish mumkinki, davlat rahbarlari qizil gilam ustida ikki davlat madhiyasini tinglab turishardi. Kutilmaganda Merkel qaltiray boshladi. Qo‘llari sezilarli darajada titrab ketdi. Zelenskiy esa bu holatga parvo qilmadi va o‘zini xotirjam tutdi. "Ehtimol, kanslerni oftob urgandir, — deya yozadi manba, — axir bu paytda Berlinda harorat 30 darajadan yuqori edi".

Ma’lumot uchun, Zelenskiy prezident sifatida birinchi bor Merkel bilan uchrashdi.