Nijniy Novgorod yaqinida sodir bo‘lgan YTHda O‘zbekiston va Tojikiston fuqarolari halok bo‘ldi

Nijniy Novgorod viloyatida mikroavtobus bilan sodir bo‘lgan halokatli YTHda jabrlanganlar va halok bo‘lganlar O‘zbekiston va Tojikiston fuqarolaridir, deb xabar bermoqda IIV viloyat boshqarmasi matbuot xizmati.

Hodisa yakshanba kuni soat 11larda Navashinskiy tumanidagi M-12 federal avtomagistralining 357-kilometrida sodir bo‘lgan. Natijada sakkiz kishi halok bo‘ldi.

"Tojikiston fuqarosi Hyundai Grand Starex rusumli avtomashinani haydab, Moskva tomon ketayotgan edi. Erkak boshqaruvni yo‘qotib qo‘ydi, buning natijasida u to‘siq bilan to‘qnashib ketdi, keyin esa ag‘darilib ketdi. Avtomobilda Rossiya Federasiyasi hududida qonuniy bo‘lgan 11 nafar O‘zbekiston fuqarosi bo‘lgan", — deyiladi IIV viloyat boshqarmasi xabarida.

Aniqlik kiritilishicha, avtohalokat natijasida mikroavtobusning sakkiz nafar yo‘lovchisi hayotga mos kelmaydigan tan jarohatlari olgan va yana uch nafar yo‘lovchi tibbiy muassasaga yetkazilgan.

Mazkur voqea yuzasidan Rossiya Federasiyasi Jinoyat kodeksining 264-moddasi 5-qismi ("Ehtiyotsizlik oqibatida ikki yoki undan ortiq shaxsning o‘limiga sabab bo‘lgan yo‘l harakati va transport vositalaridan foydalanish qoidalarini buzish") bilan jinoyat ishi qo‘zg‘atilgan.