Nepalda norozilik namoyishlarida 14 kishi halok bo‘ldi
Namoyishlar Nepalda ijtimoiy tarmoqlarning taqiqlanishi ortidan o‘tkazilmoqda, deb xabar bermoqda Reuters.
8 sentyabr kuni Nepal poytaxti Katmanduda hukumatning 26 ta ijtimoiy tarmoqni (jumladan, Instagram, Facebook, YouTube va X) bloklash qaroriga qarshi ommaviy namoyish bo‘lib o‘tdi, deya xabar bermoqda agentlik.
Bu tarmoqlar Nepal Aloqa vazirligida belgilangan muddatda ro‘yxatdan o‘tmagani uchun cheklangan edi. Ommaviy axborot vositalari ushbu namoyishni “Z avlod noroziligi” deb atadi, bu atama 1995–2012 yillarda tug‘ilgan odamlarga nisbatan qo‘llanadi.
Namoyishchilar parlament binosini o‘rab olishdi. Polisiya ularni tarqatish uchun suv purkagichlar va ko‘zdan yosh oqizuvchi gazdan foydalandi, ammo bu yordam bermagach, namoyishchilarga qarata o‘t ocha boshladi, deb yozadi The Kathmandu Post.
Reuters ma’lumotiga ko‘ra, voqea oqibatida 14 kishi halok bo‘lgan, yana 50 dan ortiq kishi jarohat olgan.
Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!
«Vafot etgan» Bibimaryam tirik ekani tasdiqlandi — Face ID ishga tushdi
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Dunyo xaritasi 500 yil ichida ilk bor yangilandi
Sun’iy intellekt qachon "qaytib bo‘lmaydigan nuqtaga" yetishi mumkinligi ma’lum bo‘ldi
