NATO Bosh kotibi: "Rossiya, Shimoliy Koreya, Eron va Xitoy Ukrainaga qarshi birgalikda harakat qilmoqda"

NATO Bosh kotibi Mark Rutte AQShning 47-prezidenti etib saylangan Donald Trampning yetakchilik fazilatlari va uning Alyansga qo‘shgan hissasini yuqori baholadi. U Rossiya, Shimoliy Koreya, Xitoy va Eron o‘rtasidagi hamkorlik kuchayib borayotgan bir sharoitda AQShning yangi ma’muriyati bilan hamkorlik qilish istagini bildirdi.

Rutte Budapeshtda bo‘lib o‘tgan Yevropa siyosiy hamjamiyatining 5-sammiti ochilishida so‘zga chiqdi.

U AQShning 47-prezidenti etib saylangan Donald Trampni yana bir bor tabriklab, Tramp katta muvaffaqiyatlarga erishgani va u bilan yangi davrda hamkorlik qilishni intiqlik bilan kutayotganini aytdi.

Bosh kotib NATO davlatlarining mudofaa xarajatlarini yalpi ichki mahsulotning 2 foizidan oshib ketishi maqsadi Trampning qo‘llab-quvvatlashi tufayli amalga oshirilganini va bu miqdorni oshirish zarurligini yana bir bor ta’kidladi.

"AQSh xalqi uni sayladi. U prezident. Men u bilan 4 yil davomida juda yaxshi muloqot qildim. U o‘z rejalari haqida juda aniq. U umumiy pozisiyaga erishish uchun birgalikda harakat qilishimiz kerakligini tushunadi va men buni uddalay olamiz deb o‘ylayman". Ruttening aytishicha, agar Rossiya Ukrainada g‘alaba qozonsa, bu nafaqat Yevropa, balki AQSh uchun ham tahdidga aylanadi.

Sammitda Shimoliy Koreya askarlarini Ukrainaga qarshi jang qilish uchun Rossiyaga yuborish masalasini ko‘tarish o‘zi uchun muhim ekanini tilga olgan Rutte: "Shimoliy Koreya, Eron, Xitoy va albatta Rossiyaning Ukrainaga qarshi birgalikda harakat qilayotganini tobora ko‘proq ko‘rayapmiz".

Rutte, bu davlatlar NATO hamkorlari bo‘lgan AQSH, Yevropa va Osiyo-Tinch okeani davlatlariga tahdid solayotganini ta’kidlab, bu muammoni sammitda hal etish niyatida ekanini aytdi.

"Men prezident Tramp bilan uchrashishni va bu tahdidga (Rossiya, Shimoliy Koreya, Xitoy va Erondan) qarshi birgalikda qanday harakat qilishimiz va dunyoning o‘z qismimiz xavfsizligi va farovonligini qanday ta’minlashimiz mumkinligini muhokama qilishni intiqlik bilan kutaman" - dedi NATO Bosh kotibi.

"Donald Trampning g‘alabasi Ukraina uchun nimani anglatadi?" degan savolga NATO rahbari quyidagi so‘zlar bilan javob berdi: "O‘ylaymanki, bu barchamiz uchun nimani anglatadi, tajribali prezident bor, u nimani xohlashini aniq biladi. Bu bizni himoyaga ko‘proq sarflashga majbur qiladi. U bu borada haq. U xohlagan narsasini oldi. O‘ylaymanki, Tramp kelajakda bundan ham ko‘proq narsani qiladi".