Narxlarni sun’iy oshirish yo‘li bilan katta miqdorda daromad olgan “Navoiyazot” AJga nisbatan chora ko‘rildi
![Narxlarni sun’iy oshirish yo‘li bilan katta miqdorda daromad olgan “Navoiyazot” AJga nisbatan chora ko‘rildi Narxlarni sun’iy oshirish yo‘li bilan katta miqdorda daromad olgan “Navoiyazot” AJga nisbatan chora ko‘rildi](/photos/news/ulbpS5whqtNDoWC.jpeg)
Narxlarni sun’iy oshirish yo‘li bilan katta miqdorda daromad olgan “Navoiyazot” AJga nisbatan chora ko‘rildi. Bu haqda Raqobatni rivojlantirish va iste’molchilar huquqlarini himoya qilish qo‘mitasi xabar berdi.
Qayd etilishicha, qo‘mita tomonidan mineral o‘g‘itlar bozorida ustun mavqega ega bo‘lgan “Navoiyazot” AJ tomonidan ishlab chiqarilgan yuqori likvidli va monopol turdagi mahsulotlar birja savdolari orqali realizasiya qilinishida narx manipulyasiyalari holatlari aniqlangan.
Ma’lum qilinishicha, jamiyat tomonidan 2021—2023 yillarda mineral o‘g‘it (karbamid, sulfat ammoniya, superfosfat), polivinilxlorid (PVX) va formalin) “Raqobat to‘g‘risida”gi qonun hamda hukumat qarori talablariga zid holda mahsulotlarini tegishli jadvallarda nazarda tutilgan muddatlarda va hajmlarda jami 57 209 tonna mahsulot birja savdolariga qo‘yilmasligi oqibatida taklifning sun’iy ravishda kamaytirilishi natijasida narxlar o‘rtacha 10 foizdan 50 foizgacha oshgan.
Mazkur huquqbuzarliklar natijasida jamiyat tomonidan jami 20,5 mlrd so‘m asossiz daromad olingan.
Mazkur qonun talablari buzilishi holatlari yuzasidan qo‘mita tomonidan “Navoiyazot” AJga nisbatan ish qo‘zg‘atilib, raqobat to‘g‘risidagi qonun hujjatlari talablari buzilishini bartaraf etish va kelgusida bunga yo‘l qo‘ymaslik bo‘yicha bajarilishi majburiy bo‘lgan ko‘rsatma berildi.