Mirziyoyev: Rossiya va O‘zbekiston azaldan birga bo‘lgan va bo‘ladi

Mirziyoyev: Rossiya va O‘zbekiston azaldan birga bo‘lgan va bo‘ladi

O‘zbekiston va Rossiya og‘ir damlarda hamisha birga bo‘lgan, respublikada ko‘plab xalqlar vakillari tinch va totuvlikda yashashda davom etmoqda, dedi O‘zbekiston Prezidenti Shavkat Mirziyoyev seshanba kuni Toshkentda Navro‘z bayramiga bag‘ishlangan bayram tadbirlarida.

Prezident matbuot xizmati xabariga ko‘ra, Mirziyoyev seshanba kuni Toshkentdagi “Yangi O‘zbekiston” bog‘ida o‘tkazilgan bayram tadbirida ishtirok etgan.

Xususan, Prezident milliy madaniyat markazlari va xalq hunarmandchiligi ko‘rgazmalarini tomosha qildi. Markaz xodimlari tomonidan Prezidentga rus va o‘zbek xalqlarining umumiy an’analari haqida qo‘shiq ijro etilgan.

“Qo‘shiqda Rossiya va O‘zbekiston azaldan birga bo‘lgan va bo‘ladi, deb to‘g‘ri aytilgan. Eng og‘ir damlarda biz birga bo‘lganmiz va birga bo‘lamiz. Bu bizning asosiy yutug‘imiz”, — dedi Mirziyoyev.

Shuningdek, O‘zbekiston Prezidenti bugungi kunda respublikada ko‘plab xalqlar vakillari tinch va totuvlikda yashayotganini qo‘shimcha qilgan.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!