Lukashenko: Belarus O‘zbekistonni Markaziy Osiyodagi asosiy hamkor deb biladi
Belarus rahbari Aleksandr Lukashenko Belarus O‘zbekistonni Markaziy Osiyodagi asosiy hamkori deb bilishini aytdi.
Qayd etilishicha, u bu haqda O‘zbekiston Prezidenti Shavkat Mirziyoyev bilan telefon orqali muloqoti chog‘ida ma’lum qilgan.
“Belarus O‘zbekistonga Markaziy Osiyo mintaqasidagi asosiy hamkor sifatida qaraydi va YEOIIda uni har tomonlama qo‘llab-quvvatlashga, Yevroosiyo iqtisodiy ittifoqi bilan hamkorlikda mamlakat iqtisodiyotining to‘liq ishtirokini ta’minlashga tayyor”, — deyiladi prezident matbuot xizmati xabarida.
Ta’kidlanishicha, gap O‘zbekistonning Belarusning Shanxay hamkorlik tashkilotiga (SHHT) a’zo bo‘lish haqidagi arizasini qo‘llab-quvvatlashi haqida ham bordi.
Eslatib o‘tamiz, avvalroq Rossiya prezidenti Vladimir Putin va Mirziyoyev O‘zbekistonda bo‘lib o‘tadigan SHHT sammitiga tayyorgarlik masalalarini muhokama qilgani xabar qilingandi.