Kreml Armanistonning KXSHTdagi ishtirokini muzlatish bilan bog‘liq vaziyatga oydinlik kiritadi

Rossiyada Armanistonning Kollektiv Xavfsizlik Shartnomasi Tashkilotidagi (KXSHT) ishtiroki muzlatilganligi haqida aniq ma’lumotlar yo‘q.

Bu haqda Kreml matbuot kotibi Dmitriy Peskov ma’lum qildi, deb yozadi “Report” Rossiya byurosi .

"Biz bunga oydinlik kiritamiz. Chunki hujjatlarga ko‘ra, KXSHTda oddiygina bunday de-yure rejim mavjud emas", - dedi Peskov.

Eslatib o‘tamiz, avvalroq Armaniston bosh vaziri Nikol Pashinyan Armanistonning KXSHTdagi ishtirokini muzlatib qo‘yganini aytgan edi.