«Korzinka» supermarketlar tarmog‘i «Kundalik xaridlar uchun eng arzon narxlar» dasturi to‘g‘risida bayonot berdi
![«Korzinka» supermarketlar tarmog‘i «Kundalik xaridlar uchun eng arzon narxlar» dasturi to‘g‘risida bayonot berdi «Korzinka» supermarketlar tarmog‘i «Kundalik xaridlar uchun eng arzon narxlar» dasturi to‘g‘risida bayonot berdi](/photos/news/kFvWiz96hPADdoU.jpeg)
«Korzinka» supermarketlar tarmog‘ining bosh direktori Rud Pedersen Raqobatni rivojlantirish va iste’molchilar huquqlarini himoya qilish qo‘mitasi rahbariyati bilan uchrashdi va 2024 yil may oyida boshlangan «Kundalik xaridlar uchun eng arzon narxlar» keng qamrovli dasturi yuzasidan bayonot bilan chiqish qildi. Ushbu qadam vaqtinchalik aksiya emas, balki kompaniyaning narxlar bo‘yicha yangi strategiyasi hisoblanadi va u kundalik xaridlar uchun tovarlar savatiga arzon narxlarni shakllantirishga qaratilgan.
Biz «Korzinka» supermarketlar tarmog‘ida doimo mijozlarimizga eng yaxshi sharoitlar, narxlar va xizmat taqdim etishga intilamiz. 2024 yil may oyida Korzinka o‘zining narx siyosatini o‘zgartirish va muntazam amalda bo‘ladigan — «Kundalik xaridlar uchun eng arzon narxlar» dasturini yaratish yo‘lida strategik qaror qabul qildi.
Iste’molchilarga kundalik xaridlar uchun tovarlar savatiga barqaror arzon chakana narxlarni bir joyning o‘zida taqdim etish tarmog‘imiz maqsadidir. Bu xaridlar jarayonini osonlashtiradi, qo‘shimcha qulaylik yaratadi va eng avvalo, yurtdoshlarimiz ro‘zg‘ori uchun moliyaviy bosimni kamaytirishga imkon beradi.
Chapdan o‘ngga: yuridik xizmat boshlig‘i o‘rinbosari Oybek Mamarasulov, Marketing departamenti direktori Malik Karimov, Bosh direktor Rud Pedersen, tashqi kommunikasiyalar bo‘limi boshlig‘i Doniyor Rasulov
«Eng arzon narx» dasturi vaqtinchalik aksiyalardan farqli o‘laroq, muntazam ishga tushirilgan va mazkur asosiy tovarlarga nisbatan Kompaniyamiz tomonidan ustamaning sezilarli kamaytirilishi yo‘li bilan xaridorlarimiz uchun qo‘shimcha qiymat yaratishni ko‘zlaydi. Biz o‘zimiz uchun strategik — birinchi navbatda zarur tovarlarga eng arzon narxlarni muntazam asosda saqlab turish mas’uliyatini qabul qildik.
Biz do‘konlarimizda eng past narxlarni belgilash uchun bozorlarda, supermarketlarda va boshqa chakana savdo nuqtalaridagi narxlarni muntazam ravishda kuzatib boramiz, shuningdek, tovarlarning sifati va saqlash sharoitlariga e’tibor beramiz. «Eng arzon narx» katalogida keltirilgan tovarlar savatchasiga eng arzon narxlar belgilanadi va tovarlarning ayrim turlari bo‘yicha narxlar ba’zan bozorning boshqa ishtirokchilari bilan teng bo‘lishi holatlari uchrab turishi mumkin. Monitoring davomida biz boshqa chakana savdo nuqtalaridagi muntazam chakana narxlarga e’tibor qaratamiz. Raqobatchilarning uzoq muddatli davomiylikka ega bo‘lmagan, qisqa muddatli aksiyalari paytida ular savatning ma’lum bir alohida tovarlari bo‘yicha biz bilan bir pog‘onadan joy olishlari mumkin. Biroq biz shuni qat’iyat bilan ma’lum qilamizki, ushbu ijtimoiy to‘plam uchun narx bozorda eng yaxshisi bo‘lishi uchun zarur barcha choralarni ko‘ramiz.
2024 yil 15 iyulida O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi mazkur dasturda foydalanilgan reklama xabari sababli kompaniyamizga nisbatan ish ochilishi haqida ma’lum qildi. Shu o‘rinda biz ochiqlik va shaffoflik tamoyillarimizga sodiq qolgan holda, jamoatchilikni tarmog‘imizning narxlarni shakllantirish siyosatidagi birinchi navbatda zarur bo‘lgan ushbu mahsulotlarga nisbatan jiddiy o‘zgarishlar haqida xabardor qilganimizni ta’kidlab o‘tishimiz joiz.
16 iyul sanasida mazkur ish bo‘yicha tinglov bo‘lib o‘tdi va biz zarur barcha ma’lumotni Qo‘mitaga taqdim etdik.
Mijozlarimiz va davlat bilan muloqotda biz uchun halollik va shaffoflik nihoyatda muhimligini ta’kidlamoqchimiz. Biz qonunchilikni hurmat qilamiz hamda reklama, iste’molchilar huquqlariga oid barcha me’yor, qoidalarga rioya qilishda sobitqadammiz va hech qanday qoidabuzarlikka yo‘l qo‘ymadik, deb hisoblaymiz.
«Biz eng arzon narxlardagi tovarlar tanlovini muntazam asosda va har kun taklif etamiz. Bu mahalliy chakana savdo madaniyatidagi mutlaqo yangicha yondoshuv hisoblanadi hamda mijozlarimiz hayotini nafaqat osonroq, balki qulayroq, unumliroq qiladi. Ushbu yondoshuv mahalliy bozor uchun yangilik ekanligini hisobga olib, biz Qo‘mitada mazkur vaziyat bo‘yicha savollar vujudga kelganini tushunishimiz mumkin va hamkorlikka ochiqmiz, ham o‘z pozisiyamizni oydinlashtirish, ham ijtimoiy mas’uliyatlarni zimmamizga olishdan xursandmiz» — deya ta’kidladi «Korzinka» supermarketlar tarmog‘i bosh direktori Rud Pedersen.
Biz Korzinkada mijozlarimizni eng arzon narxlardagi sifatli mahsulotlar bilan ta’minlashga, a’lo darajadagi qiymat taklifini yaratishga intilamiz va kelajakda ham «Kundalik xaridlarga eng arzon narxlar» doimiy dasturi doirasida ushbu yo‘nalishda ishlashda davom etamiz.
Qo‘shimcha ma’lumot uchun:
Matbuot xizmati
Doniyor Rasulov
Telefon: +998 78 140 14 14
E-mail: pr@korzinka.uz
Kompaniya haqida:
«Korzinka» — O‘zbekistondagi chakana savdo sohasi yetakchisi hisoblanadi. Kompaniya 1996 yilda tashkil etilgan bo‘lib, ayni paytda mamlakatning 12 ta hududida 150 ta do‘konga ega, bular: Korzinka supermarketlari, Korzinka Mahalla neighborhood stores shaklidagi do‘konlar, uy yaqinidagi Smart do‘konlari hamda Korzinka Biznes ulgurji savdo do‘koni, shuningdek, Korzinka Go onlayn supermarketlar xizmati va Korzinka Go mahsulotlarni saqlash uchun ikkita do‘kon-omborlari