Kobaxidze: Gruziya siyosatida «qora pul» bor
![Kobaxidze: Gruziya siyosatida «qora pul» bor Kobaxidze: Gruziya siyosatida «qora pul» bor](/photos/news/7s1tZYc2GynoZWG.jpeg)
Nodavlat notijorat tashkilotlari (NNT) va partiyalar o‘rtasidagi chalkashlik Gruziya siyosatida «qora pul», yashirin pullar borligini va bu pullarning manbasini oshkor qilish kerakligini yana bir bor ko‘rsatadi.
Bu haqda Gruziya bosh vaziri Irakliy Kobaxidze ma’lum qildi.
Kobaxidzening so‘zlariga ko‘ra, siyosiy partiyalar va nodavlat notijorat tashkilotlarining bir-biriga qo‘shilgani yana bir bor «Oshkoralik to‘g‘risida»gi qonunni qabul qilish zarurligini ko‘rsatadi:
«Gruziyada siyosatni moliyalashtirish shaffof bo‘lishi kerak, ayniqsa siyosatni moliyalashtirish nodavlat notijorat tashkilotlari orqali amalga oshirilganda, albatta, shaffof bo‘lishi kerak. Nodavlat notijorat tashkilotlari va partiyalar o‘rtasidagi bunday chalkashlik yana bir bor »qora pullar« borligini, yashirin mablag‘lar borligini va ularning manbasini Gruziya jamiyatiga oshkor qilish kerakligini ko‘rsatadi».