AQSh Eronga urushni yakunlash uchun 15 banddan iborat talab va takliflarni yuborgan

AQSh Eronga urushni yakunlash uchun 15 banddan iborat talab va takliflarni yuborgan — The New York Times.

Gazeta ma’lumotlariga ko‘ra, Vashington va Tehron o‘rtasida vositachi sifatida Pokiston armiyasi Bosh shtabi boshlig‘i Sayyid Asim Munir ishtirok etgan bo‘lib, u Eron Islom inqilobi qo‘riqchilari korpusi bilan aloqalarga ega.

Qo‘shma Shtatlarning Eronga qo‘ygan talab va takliflari quyidagilardan iborat:

1. Eronga qarshi barcha sanksiyalarni bekor qilish;

2. AQSh tomonidan fuqarolik yadroviy dasturini (elektr energiyasi olish uchun) rivojlantirishni qo‘llab-quvvatlash;

3. Sanksiyalar qayta joriy etilmasligiga kafolat berish;

4. Eronning yadroviy dasturini belgilangan cheklovlar doirasida to‘xtatib turish;

5. Eronga tegishli boyitilgan uranni kelishilgan nazorat ostida va muayyan hajmda saqlash;

6. Raketa dasturini keyingi bosqichda soni va masofasi bo‘yicha cheklovlar bilan qayta ko‘rib chiqish;

7. Yadroviy texnologiyalardan fuqarolik va noharbiy maqsadlardan tashqari foydalanishni cheklash;

8. Mavjud yadroviy salohiyatni rivojlantirishni to‘xtatish;

9. Uranni boyitish quvvatlarini kengaytirishni taqiqlash;

10. Eron hududida qurol sifatida foydalaniladigan yadroviy material ishlab chiqarishni taqiqlash;

11. Barcha boyitilgan materialni kelishilgan jadval asosida Atom energiyasi bo‘yicha xalqaro agentlikka topshirish;

12. Natanz, Isfahon va Fordodagi yadroviy ob’ektlarni yo‘q qilish;

13. Xalqaro monitoring va tekshiruv mexanizmlarini joriy etish;

14. Rejaning bosqichma-bosqich amalga oshirilishi kelishuvlarga rioya etilishi bilan uzviy bog‘liq bo‘lishi kerak;

15. Tomonlar o‘rtasida xavfsizlik bo‘yicha qo‘shimcha mintaqaviy kelishuvlar tuzish.