Kiyev urushni tugatish kerakligini e’lon qildi

Ukraina harbiy harakatlarni to‘xtatish uchun sharoit yaratish maqsadida yil oxirida kutilayotgan ikkinchi tinchlik sammitini tashkil qilishni rejalashtirmoqda. Bu haqda Ukraina prezidenti ma’muriyati rahbari Andrey Ermak Bloomberg agentligiga bergan intervyusida ma’lum qildi.

Kiyevning tinch yo‘l bilan kelishuvga erishish yo‘lidagi sa’y-harakatlarini boshqarayotgan Yermak, Rossiya ham taklif qilinishi mumkin bo‘lgan noyabr oyida AQSh prezidentlik saylovi oldidan uchrashuv o‘tkazish muhimligini ta’kidladi.

«Ikkinchi sammitdan kutilayotgan eng muhim narsa bu harbiy harakatlarni to‘xtatish uchun asosiy shart-sharoitlarni shakllantirishdir. Adolatli tinchlikka erishish uchun bu urushni tezroq tugatishimiz kerak», dedi Ermak.

U, shuningdek, tadbir katta ehtimol bilan «Rossiyaning uni bo‘lib tashlashga urinishlari oldida dunyoning birligini» namoyish etish maqsadida «Global janub» davlatlaridan birida, ehtimol Yaqin Sharqda o‘tkazilishini ta’kidladi.