Kaliforniyada «Ko‘rinmas uy» sotuvga qo‘yildi
«Ko‘rinmas uy» nomli mulk Kaliforniya shtatida sotuvga qo‘yildi, deb xabar beradi CNBC.
Joshua-Tri milliy bog‘idagi uy 18 million dollarga baholanmoqda, bu esa Los-Anjelesdan ikki soat janubi-sharqda joylashgan San-Bernardino okrugidagi shaharchada sotiladigan eng qimmat mulk hisoblanadi.
Uyga «ko‘rinmas» nomini berishdi, chunki u sahroning tevarak-atrofini aks ettiradi, go‘yo uni toshloq landshaftga yashiradi va ichkaridagilarga butunlay ko‘rinmasdan, manzarani tomosha qilish imkonini beradi.
Ob’ekt Joshua-Tri milliy bog‘idan bir necha qadam narida joylashgan. Yashash maydoni deyarli 5500 kvadrat futni tashkil etadi, ichida uchta yotoq xonasi, to‘rtta hammom va 100 futlik yopiq hovuzi bor.
Uy kino prodyuseri va hozirgi egasi Kris Xenli va arxitektor Tomas Osinski tomonidan ishlab chiqilgan.
Uy sotuvga qo‘yilganidan buyon to‘rt oy davomida hech kim uni sotib olishga qiziqmagan, biroq uni sotish bilan shug‘ullanuvchi ikkala riyeltor ham muvaffaqiyatga va uy o‘z xaridorini topishiga ishonadi.