Janubiy Koreya O‘zbekiston chiqindilarni qayta ishlash sanoatiga salkam 7 million dollar sarmoya kiritadi

Koreya Ekologik sanoat va texnologiyalar instituti (KEITI) O‘zbekistonda 6,6 million dollarlik grant loyihasini amalga oshirmoqda , uning doirasida mamlakatimizda beshta yangi poligon paydo bo‘ladi, Jizzax viloyatida chiqindixona gazini yig‘ish tizimi quriladi.

Institut tomonidan Jizzax viloyatida quvvati 500 kVt-1 MVt bo‘lgan chiqindixona gazini yig‘ish inshooti va unga olib boruvchi tizim quriladi. Shuningdek, quvvati kuniga besh tonnadan o‘n tonnagacha bo‘lgan tibbiy chiqindilarni yoqish zavodi qurish rejalashtirilgan.

Bundan tashqari, loyihada beshta chiqindixona va oltita chiqindi tashish stansiyasi qurilishi ko‘zda tutilgan.