Inson boshiga o‘q uzmaydigan aqlli qurol yaratildi
O‘q otar qurol ishlab chiqaruvchi “FN Herstal” kompaniyasi nafaqat insonni o‘ldirmaydigan qayishqoq snaryad otadigan, balki inson boshini tanib, o‘q uzishni rad etuvchi to‘pponcha ham yaratdi. Qurol raqamli intellektual durbin bilan jihozlangan, deb yozmoqda “New Atlas”.
Tartibsizlik yoki namoyishni bostirishda qo‘llanadigan bu moslama boshqa aslahalardan farq qiladi. Qurolning asosiy nishoni nazoratdan chiqqan vaziyatni qayta nazoratga olish, zo‘ravonlikni kamaytirishdir.
Bu jarayonda eng maqbuli o‘rtalikdan chiqmaslik. Bir tomondan qurol zo‘ravonlikning oldini olish uchun zarur kuchga ega bo‘lishi, ikkinchi tomondan, jiddiy jarohat yetkazmasligi lozim. Agar rezina o‘q ko‘krakka tegsa, odam vaqtincha bo‘lsa ham safdan chiqish yoki ortga chekinishga majbur bo‘ladi, lekin boshga qarata uzilgan o‘q o‘limga olib kelishi mumkin.
