Ilon Mask 2027 yilga kelib trillionerga aylanishi mumkin
Amerikalik tadbirkor Ilon Maskning boyligi 2027 yilga borib bir trillion dollardan oshishi mumkin.
Bu haqda Informa Connect Academy tahliliy kompaniyasi hisobotida aytiladi.
Kompaniya o‘z tahlilida Maskning boyligi so‘nggi yillarda o‘rtacha yillik 110 foizga oshganini taxmin qilmoqda.
"Dunyoda hech kim trillioner maqomiga da’vo qilmagan, ammo hozircha bir nechta ehtimoliy nomzodlar bor", deb ta’kidlaydi kompaniya.
Maskdan tashqari Informa Connect Academy dollar trillionerlari maqomiga yana to‘rtta da’vogarni aniqladi – Hindistonning Adani Group sanoat konglomerati egasi Gautam Adani, Amerikaning Nvidia texnologik kompaniyasi bosh direktori Jensen Xuang, Indoneziyaning Barito Pacific konglomerati asoschisi Prayogo Pangestu va hashamatli gigant LVMH egasi Bernard Arno va uning oilasi.
Bloomberg reytingiga ko‘ra, 53 yoshli Mask ayni damda dunyodagi eng boy odam hisoblanadi. Tesla va SpaceX asoschisining boyligi deyarli 240 milliard dollarga baholanmoqda.
