Hindistondagi kafelar chiqindilarni to‘lov sifatida qabul qilishni boshladi

Hindistondagi kafelar tarmog‘i axlatni to‘lov sifatida qabul qiladi.

Bu haqda Good News Network nashri yozmoqda.

"Axlatxonasiz shahar" nomi bilan mashhur bo‘lgan Hindistonning Ambikapur shahrida bir nechta Garbage Cafe tarmog‘i savdo nuqtalari mavjud bo‘lib, u yerda bir kilogramm plastik axlat uchun to‘liq to‘rt xil taom, jumladan, guruch, ikki turdagi kori va dal – an’anaviy hind yasmiqli taomini olish mumkin.

Kafe kuniga o‘rtacha 20 kishiga xizmat ko‘rsatib, taxminan 20 kg plastmassa yig‘adi. Menejerlardan biri Vinod Patelning so‘zlariga ko‘ra, bunday yondashuv nafaqat ochlarni to‘ydirish, balki shaharni plastmassadan tozalashga ham yordam beradi.

Cheklangan byudjet bilan mahalliy hokimiyat organlari murakkab qayta ishlash tizimini joriy etish imkoniyatiga ega emas, ammo shunga qaramay, har kuni bu yerda deyarli barcha 226 tonna plastmassa yig‘iladi va qayta ishlanadi.

Shunga o‘xshash kafelar Hindistonning boshqa shaharlarida, shuningdek, Kambodjada paydo bo‘lgan va ular mahalliy ekologik va ijtimoiy muammolarni hal qilish uchun ushbu g‘oyani qabul qilganlar.