GM Uzbekistan 2018 yilda avtomobillar tannarxini 10-16 foizga pasaytirdi

GM Uzbekistan 2018 yilda ishlab chiqarilayotgan avtomobillarning har bir modeli tannarxini o‘rtacha 10-16%ga pasaytirdi. Bu haqda O‘zavtosanoat saytida xabar berilgan.

Qayd etilishicha, 2018 yilning 29 dekabr kuni GM Uzbekistan aksiyadorlik jamiyatining Asakadagi zavodi 220 minginchi avtomobilni ishlab chiqardi. Kompaniya tarixida ilk bor 2018 yilning dekabr oyida rekord qayd etildi 34117 dona avtomobil ishlab chiqarildi, bu kuniga mingdan ortiq avtomobil degani.

Kompaniya tomonidan ishlab chiqarilayotgan avtomobillarning har bir modeli tannarxi o‘rtacha 10-16% pasaytirildi, import xarajatlari esa 73 million AQSh dollargacha qisqardi.