Germaniyada hukmron koalisiyaning reytingi pasayishda davom etmoqda

Germaniya hukmron koalisiyasining reytingi pasayishda davom etmoqda. INSA instituti tomonidan o‘tkazilgan jamoatchilik fikri so‘rovi natijalari shundan dalolat bermoqda.

So‘rov natijalariga ko‘ra, Germaniya Sosial-demokratik partiyasi, Yashillar va Erkin Demokratik partiyadan iborat koalisiya reytingi hafta davomida 1 foizga pasaygan. Hozir bu uch partiyaga saylovchilarning 34 foizi ovoz berdi.

Shu bilan birga, o‘ng qanot "Germaniya uchun muqobil" so‘rovnoma ishtirokchilarining 22 foiz ovozini oldi. Respondentlarning 4 foizi chap partiyaga ovoz berishga tayyor.

Qayd etilishicha, respondentlarning 74 foizi Germaniya kansleri Olaf Shols o‘z vazifalarini ado etish borasida yomon ish olib bormoqda, deb hisoblaydi.