Germaniyada 29 ta avtomobil ishtirokida YTH sodir bo‘ldi, 15 kishi jarohat oldi

Germaniyada 29 ta avtomobil, jumladan, avtobus ishtirokidagi YTHda kamida 15 kishi jabrlandi.

Bu haqda DPA agentligi mahalliy polisiyaga tayanib xabar berdi.

Hodisa Bavariyaning Yuqori Frankoniya tumanida avtobanda sodir bo‘lgan. Hodisaga yomon ob-havo – yomg‘ir va do‘l sabab bo‘lgan. Zarar miqdori 250-300 ming yevroga baholanmoqda.

Voqea joyida 130 ga yaqin o‘t o‘chiruvchi va 70 nafar qutqaruvchi ishlagan. To‘rtta vertolyot – uchta qutqaruv va bir polisiyachi safarbar etilgan.