General-mayor Olmaota tergov hibsxonasida o‘lik holda topildi
Qozog‘istonda general-mayor Jaylaubek Xalikuli Olmaota tergov hibsxonasida o‘lik holda topilgan. Bu haqda Qozog‘iston Respublikasi ichki ishlar vazirligining jinoyat-ijroiya tizimi qo‘mitasi xabar berdi
"Hibsga olingan Xalikuli J. ertalab soat 7 larda qo‘riqchi tomonidan topilgan. Voqea joyiga kelgan tez yordam o‘limni qayd etdi", deyiladi xabarda.
Xabar qilinishicha, tekshiruv natijasida marhumga nisbatan noqonuniy xatti-harakatlar aniqlanmagan. Xizmat tekshiruvi o‘tkaziladi.
Jaylaubek Xalikuli turli yillarda Olmaota va Akmola viloyatlari ichki ishlar idoralarini boshqargan. May oyida u korrupsiyaga qarshi xizmat tomonidan korrupsiyada gumon qilinib, hibsga olingandi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)