G‘arb endi Xitoyni hamkor deb hisoblamaydi
G7ning Xitoyga munosabati sezilarli o‘zgarishlarga duch keldi. Shu paytgacha Xitoy dunyo kun tartibidagi muhim masalalar bo‘yicha hamkor hisoblangan bo‘lsa, endi G‘arb davlatlari va ularning ittifoqchilari Pekinni raqib deb bilishadi. O‘tgan sammitlarda Xitoyning Ukraina urushidagi roliga ko‘p e’tibor berilmagan bo‘lsa, bu safar boshqacha bo‘ldi.
AQSh prezidenti Jo Baydenning aytishicha, Xitoy Rossiyaga qurol yetkazib bermasada, texnologiya yetkazib beradi va aslida qurol ishlab chiqarish imkoniyatini ta’minlaydi.
The New York Times'ning yozishicha, G‘arb davlatlari dunyoda hukmronlik qilishga intilayotgan va Rossiyadan voz kechishga tayyor bo‘lmagan Xitoy raisi Si Szinpinning ambisiyalarini to‘liq anglab yetdi. Xitoy, aslida, Ukrainadagi urushni uning etakchi rolini o‘z ichiga olmagan har qanday tinch yo‘l bilan hal qilishga qarshi chiqa boshladi.
Xitoyga nisbatan munosabatning o‘zgarishi, birinchi navbatda, Yevropada sezilarli bo‘lib, ular ilgari AQShni Xitoyga qarama-qarshilikda qoralagan, ammo endi Pekinga iqtisodiy qaramlikni kamaytirish choralarini ko‘rishga qaror qilishgan.
