"Fransiya Rossiyaning «Oreshnik» gipertovushli raketa kompleksiga o‘xshash qurolga ega bo‘lishi kerak"

Evropa, ayniqsa Fransiya, Rossiyaning «Oreshnik» gipertovushli raketa kompleksiga o‘xshash qurolga ega bo‘lishi kerak, — dedi Fransiya prezidenti Makron Istr okrugida harbiylar bilan uchrashuvdagi nutqida.

Fransiya Prezidentining boshqa bayonotlari:

— Biz Yevropadagi eng kuchli armiyamiz, Yevropadagi eng mustaqil va avtonom yadroviy to‘xtatuvchi kuchga egamiz, bu esa zamonaviy dunyoda noyob kuch.

— Biz, fransuzlar, jahon voqealarining tomoshabinlari yoki shunchaki sharhlovchilar emasmiz;

— Faxrlaning. Mamlakatingiz va qurolli kuchlarimiz bilan faxrlaning, chunki bu faxr qonuniydir;

— Keyingi avlod SAMP/T tizimi asosan Fransiya va Yevropa tizimi bo‘lib, dunyodagi eng yaxshisidir. U AQShning Patriot tizimidan samaraliroq;

— Biz bu yerda harakat qilish uchun keldik — tashabbus ko‘rsatish, o‘zimizni himoya qilish, zarur bo‘lgan narsalarni ishlab chiqarish, yangi imkoniyatlarni joylashtirish, ittifoqchilarimizga tahdid solganlarida yordam berish va ularni himoya qilish hamda qayerda ishtirok etsak ham, barqarorlik va tinchlik uchun kuch bo‘lishimiz kerak.