Finlyandiya prezidenti Niinistyo Ukraina Qurolli kuchlariga yana uchta Leopard 2 tankini yetkazib berishni ma’qulladi.
Finlyandiya prezidenti Sauli Niinistyo Kiyev uchun yangi, 14 yordam paketi doirasida Ukraina Qurolli kuchlariga yana uchta Leopard 2 tankini yetkazib berishni ma’qulladi.
Bu haqda Finlyandiya mudofaa vaziri Antti Kaykkonen matbuot anjumanida gapirdi.
“Respublika prezidenti Ukrainaga harbiy yordamning 14-paketini tasdiqladi. U uchta Leopard 2 tankini o‘z ichiga oladi”, — dedi Kaykkonen.
Shu bilan birga, YLE'ning aniqlik kiritishicha, Finlyandiya Leopard 2 tanki asosidagi uchta zirhli minadan tozalash mashinasini Kiyevga o‘tkazmoqda.Shuningdek, 161 million yevroga baholangan yordam paketiga og‘ir qurollar va o‘q-dorilar kiradi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
