Eyfel minorasini portlatishga urinishdi
Parijdagi Eyfel minorasiga tashrif buyurganlar mahalliy polisiya ushbu joyga bomba o‘rnatilgani haqida xabar berganidan keyin evakuasiya qilindi.
Manbaning xabar berishicha, portlash xavfi to‘g‘risidagi ma’lumotlar bo‘lgan anonim qo‘ng‘iroq huquqni muhofaza qilish idoralariga 23 sentyabr, chorshanba kuni peshin vaqtida kelib tushgan, shundan so‘ng barcha zarur choralar ko‘rilgan.
Minora hududi va unga yaqin joy polisiya tomonidan o‘rab olingan va transport harakati uchun to‘sib qo‘yilgan.
Keyinchalik, France Bleu radiostansiyasining ma’lum qilishicha, tekshiruvdan ikki soat o‘tgach, minora va attraksion yana ishga tushirilgan. Ta’kidlanishicha, huquqni muhofaza qilish organlari xodimlari tintuv paytida hech qanday xavfli narsalarni topishmagan.
