Dunyo aholisi ommaviy axborot vositalariga qay darajada ishonadi?

Ijtimoiy tarmoqlarda noto‘g‘ri va yolg‘on ma’lumotlarning ko‘p tarqalishi va ommaviy axborot vositalari haqidagi xabarlarda noxolislik hissi kuchayishi so‘nggi yillarda media institutlariga ishonchning pasayishiga olib keldi. Statista kompaniyasining 38 mamlakatda o‘tkazilgan so‘rovnomasi shuni ko‘rsatadiki, aholining OAVga ishonch darajasi geografik mintaqaga qarab farq qiladi.

"Masalan, o‘tkazilgan so‘rovda serbiyalik respondentlarning 41 foizi ommaviy axborot vositalariga ishonmasliklarini aytishgan. Bu, ehtimol, ommaviy axborot vositalarida zo‘ravonlik madaniyatining kuchayishi va ko‘plab nashrlarda jurnalistika etikasiga e’tiborsizlik bilan bog‘liq bo‘lishi mumkin. 38 ta davlatdan 20 tasida ishonchsizlik darajasi 10 dan 15 foizgacha", deya xabar beradi “Chegara bilmas muxbirlar” tashkiloti.

2024 yilda YAIM hajmi bo‘yicha yetakchi 10 ta davlatga nazar tashlasak, Buyuk Britaniyadagi so‘rov ishtirokchilarining 16 foizi va hindistonliklarning 18 foizi OAVga ishonmasliklarini bildirgan, AQSh va Fransiyada esa bu raqam yuqoriroq.