Dmitriy Peskov Rossiya rasmiylarini Ukrainadagi urush uzoq davom etishi haqida ogohlantirgan
Dmitriy Peskov Rossiya rasmiylarini Ukrainadagi urush uzoq davom etishi haqida ogohlantirgan
The Guardian nashrining manbalarga tayanib yozishicha, Vladimir Putinning matbuot kotibi 2022 yil dekabri oxirida rossiyalik yuqori martabali amaldorning kvartirasida bo‘lib o‘tgan kechki ovqatda shunday ogohlantirish bilan chiqqan.
Nashr suhbatdoshlaridan birining so‘zlariga ko‘ra, qadah ko‘tarib nutq so‘zlar ekan: "Mendan nimadir deyishimni kutayotgandirsiz. Barchasi ancha qiyinlashadi. Bu juda va juda uzoq vaqt davom etadi", — deya ta’kidlagan Peskov. Boshqa mehmonlar esa o‘zlarining qadah so‘zlarida tinchlik va normal hayotga qaytishga umid qilishlarini bildirishgan.
Gazetaning yozishicha, Peskovning so‘zlari shaxsiy suhbatlarda urushga qarshi chiqqan mehmonlarning kayfiyatini buzgan. "Uning nutqini tinglash yoqimsiz edi. U urush hali uzoq vaqt davom etishi va biz bunga tayyor bo‘lishimiz kerakligi haqida ogohlantirgani aniq edi", — deydi The Guardian suhbatdoshi.
Peskov Buyuk Britaniya gazetasining nashr etgan ushbu ma’lumotiga hozircha izoh bermadi.
