AQSh va Eron beshinchi bor muzokara stoliga o‘tirdi

Italiya poytaxtida Eron va AQSh o‘rtasida Eron yadroviy dasturi atrofidagi kelishmovchiliklarni hal qilish bo‘yicha muzokaralarning beshinchi raundi boshlandi. Bu haqda ISNA agentligi xabar berdi.

Uning so‘zlariga ko‘ra, Eron delegasiyasiga tashqi ishlar vaziri Abbos Aragchi, Amerika delegasiyasiga prezidentning maxsus vakili Stiven Uitkoff rahbarlik qilmoqda. AQSh delegasiyasi tarkibida Davlat departamentining siyosiy rejalashtirish bo‘yicha direktori Maykl Enton, Eron delegasiyasi tarkibida TIV rahbari o‘rinbosarlari Majid Taxt-Ravanchi va Kazem G‘aribobodiy, tashqi siyosat idorasi matbuot kotibi Ismoil Bagayi bor. Maslahatlashuvlar O‘mon elchisi qarorgohida bo‘lib o‘tmoqda. Muzokaralarda O‘mon TIV rahbari Badr al-Busaidiy vositachilik qilmoqda.

Eron Tashqi ishlar vazirligining ta’kidlashicha, uning bo‘lajak muzokaralardagi asosiy maqsadi AQShning pozisiyasiga oydinlik kiritishdir, eronlik diplomatlarning so‘zlariga ko‘ra, bu pozisiya doimiy ravishda o‘zgarib turadi: dastlab Vashington uranni boyitishning maksimal darajasi 3,67% ga rozi bo‘lgan (2015 yilgi yadroviy kelishuvda ham xuddi shunday shartlar ko‘zda tutilgan edi, ammo 2018 yilda AQShning undan chiqishi tufayli Eron boyitish darajasini 60% gacha oshirdi), endi esa islom respublikasidan boyitish jarayonini umuman to‘xtatishni talab qilmoqda. Tehron bu taklifni rad etdi, chunki bu uni sanoat va tibbiy maqsadlarda foydalaniladigan yadroviy dasturini to‘xtatishga majbur qilgan bo‘lardi.

Eron va AQSh o‘rtasidagi muzokaralarning birinchi raundi 12 aprel kuni Masqatda, ikkinchisi 19 aprel kuni Rimda, uchinchi va to‘rtinchisi 26 aprel va 11 may kunlari yana O‘mon poytaxtida bo‘lib o‘tdi.